Foto: 365Info

Wlttıq bank ekinşi deñgeyli bankter arqılı qazaqstandıqtarğa 17 kilogramm nemese 699 altın qwymasın satqan. 

Bas banktiñ mälimetinşe, qazaqstandıqtar altın qwymaların satıp aluğa bir aydıñ işinde 228 mln teñge jwmsağan. Ayta keteyik, Wlttıq bank qwndı metaldı satu jwmıstarın 2017 jıldıñ 31 mamırında bastağan.

"Äzirge köp uaqıt ötken joq. sondıqtan aldın ala qorıtındı jasay almaymız, biraq halıqtıñ qızığuşılığın baqılap otırmız. Qazirgi uaqıtta 10 jäne 20 gramdıq qwymalar ötimdi bolıp twr", - deydi Wlttıq bank ökilderi.

Altın qwymaların Halıq, Euraziyalıq jäne Cesnabankten satıp aluğa boladı.

Retteuşiniñ tüsindiruinşe, qarjı öniminiñ bağası Londondağı qwndı metall narığına qatısuşılardıñ qauımdastığı arqılı qoyılğan troya unciyasına jäne teñgeniñ AQŞ dollarına qatıstı resmi bağamına baylanıstı belgilenedi.

Ayta keteyik, mausım ayınan bastap tazartılğan altındı satıp alu bağdarlaması iske qosıldı. Ekinşi deñgeyli bankterden 10, 20, 50 jäne 100 gramdıq altın qwymaların satıp aluğa boladı.

 “The Qazaq Times”