Foto: UTMagazine.ru

Altınnıñ bağası jıl basınan beri 12%-ğa qımbattap, unciyası 1287,2 dollar bolğan.

5 mausım küni qwndı metaldıñ bağası sauda kezinde unciyasına 1282,5 dollardan 1287,6 dollarğa deyin köterilgen. Osı nätijelerge süyensek, altınnıñ bağası jıl basınan beri 11,74%-ğa qımbattağan.

Sberbank Investment Research sarapşısı Mihail Şeybeniñ sözinşe, altın bağasınıñ qımbattauı amerikalıq eñbek narığındağı mälimetterdiñ älsiz boluımen baylanıstı. Onıñ sözinşe, ötken jwmada bağalı metaldıñ qwnı 19 dollarğa köterilgen. 

"Qazir altınnıñ unciyası 1280 dollardan joğarı. AQŞ-tıñ eñbek ministrligi wsınğan statistika bağanıñ qımbattauına äser etti. Sebebi ötken mamır ayında jwmıspen qamtılağandardıñ ösimi bayaulap ketti", - deydi ol.

Ayta keteyik, ötken aptada QR Wlttıq bankiniñ törağası Daniyar Aqışev ekinşi deñgeyli bankter arqılı 10,20,30 gramdıq tazartılğan altın qwymaları satılımğa şığarılatının mälimdegen. Onıñ sözinşe, etteuşi altın qwymaların satu boyınşa Halıq bank jäne Euraziyalıq bankpen kelisim jasağan. Endi Astana, Almatı, Öskemen, Atırau qalalarında satıp aluğa boladı.

“The Qazaq Times”