قازاقستاندىقتار التىندى كوپتەپ ساتىپ الا باستادى

ۇلتتىق بانك ەكىنشى دەڭگەيلى بانكتەر ارقىلى قازاقستاندىقتارعا 17 كيلوگرامم نەمەسە 699 التىن قۇيماسىن ساتقان. 

باس بانكتىڭ مالىمەتىنشە، قازاقستاندىقتار التىن قۇيمالارىن ساتىپ الۋعا ءبىر ايدىڭ ىشىندە 228 ملن تەڭگە جۇمساعان. ايتا كەتەيىك، ۇلتتىق بانك قۇندى مەتالدى ساتۋ جۇمىستارىن 2017 جىلدىڭ 31 مامىرىندا باستاعان.

"ازىرگە كوپ ۋاقىت وتكەن جوق. سوندىقتان الدىن الا قورىتىندى جاساي المايمىز، بىراق حالىقتىڭ قىزىعۋشىلىعىن باقىلاپ وتىرمىز. قازىرگى ۋاقىتتا 10 جانە 20 گرامدىق قۇيمالار ءوتىمدى بولىپ تۇر", - دەيدى ۇلتتىق بانك وكىلدەرى.

التىن قۇيمالارىن حالىق، ەۋرازيالىق جانە تسەسنابانكتەن ساتىپ الۋعا بولادى.

رەتتەۋشىنىڭ تۇسىندىرۋىنشە، قارجى ءونىمىنىڭ باعاسى لوندونداعى قۇندى مەتالل نارىعىنا قاتىسۋشىلاردىڭ قاۋىمداستىعى ارقىلى قويىلعان ترويا ۋنتسياسىنا جانە تەڭگەنىڭ اقش دوللارىنا قاتىستى رەسمي باعامىنا بايلانىستى بەلگىلەنەدى.

ايتا كەتەيىك، ماۋسىم ايىنان باستاپ تازارتىلعان التىندى ساتىپ الۋ باعدارلاماسى ىسكە قوسىلدى. ەكىنشى دەڭگەيلى بانكتەردەن 10, 20, 50 جانە 100 گرامدىق التىن قۇيمالارىن ساتىپ الۋعا بولادى.

 “The Qazaq Times”