Bügin Monğoliyada prezident saylauınıñ ekinşi kezeñi ötude

Bügin Monğoliyada prezident saylauınıñ ekinşi kezeñi ötude dep habarlaydı Moncame aqparat agenttigi.

Alğaşında Monğoliyadağı prezident saylauınıñ ekinşi turı şildeniñ 9-na belgilengen bolatın. Alayda elde ol küni sporttıq mereytoylar ötuine baylanıstı saylau şilnedniñ 7 künine auıstırılğan edi.

Prezident saylauınıñ birinşi kezeñinde saylauğa qatısqan üş ümitkerdiñ üşeuide 50 payızdıq mejeden asa almağan bolatın. Nätijesinde Monğoliya ortalıq saylau komissiyası saylaudıñ ekinşi kezeñi ötetindigi jayında habarlağan edi.

Saylaudıñ ekinşi turına  38 payız dauıs jinağan Monğoliya demokratiyalıq partiyasınıñ atınan qatısqan Haltmaagiyn Battulga men Monğoliya halıqtıq partiyasınıñ köş basşısı Mieegombın Enhbolda ötken bolatın. Bügin Monğoliya halqı osı eki ümitker arasında özderiniñ besinşi prezidentterin tañdaytın boladı.

Al Monğoliyanıñ qazirgi prezidenti Cahiagiyn Elbegdorj qatarınan eki ret prezident bolıp saylanğana baylanıstı üşinşi märte saylauğa qatısa almaydı. Bwl jolğı saylau Monğoliya tarihındağı jetinşi prezident saylauı.

“The Qazaq Times