Фото: Информ Полис

Бүгін Монғолияда президент сайлауының екінші кезеңі өтуде деп хабарлайды Монцамэ ақпарат агенттігі.

Алғашында Монғолиядағы президент сайлауының екінші туры шілденің 9-на белгіленген болатын. Алайда елде ол күні спорттық мерейтойлар өтуіне байланысты сайлау шілнеднің 7 күніне ауыстырылған еді.

Президент сайлауының бірінші кезеңінде сайлауға қатысқан үш үміткердің үшеуіде 50 пайыздық межеден аса алмаған болатын. Нәтижесінде Монғолия орталық сайлау комиссиясы сайлаудың екінші кезеңі өтетіндігі жайында хабарлаған еді.

Сайлаудың екінші турына  38 пайыз дауыс жинаған Монғолия демократиялық партиясының атынан қатысқан Халтмаагийн Баттулга мен Монғолия халықтық партиясының көш басшысы Миеэгомбын Энхболда өткен болатын. Бүгін Монғолия халқы осы екі үміткер арасында өздерінің бесінші президенттерін таңдайтын болады.

Ал Монғолияның қазіргі президенті Цахиагийн Элбэгдорж қатарынан екі рет президент болып сайланғана байланысты үшінші мәрте сайлауға қатыса алмайды. Бұл жолғы сайлау Монғолия тарихындағы жетінші президент сайлауы.

“The Qazaq Times