Foto: inform.kz

 2017 jılğı 15 mausımda "Qazaqstan Halıq Banki" AQ   "Qazkommercbank" AQ-nıñ 96.81% jay akciyaların satıp alu-satu boyınşa mämileni ayaqtadı. Bwl akciyalardıñ 86.09%-ı biznesmen Keñes Raqışevqa, 10.72%-ı "Samwrıq-Qazına" AQ Wlttıq Äl-auqat Qorına tiesili bolğan.

Banktiñ baspasöz qızmetiniñ habarlauınşa, mämile aldın ala birqatar şarttar orındalğannan keyin ayaqtalğan. Orındalğan şarttar mınalar:

• Halıq bank jäne Qazaqstan Respublikasınıñ Wlttıq banki (arı qaray – Wlttıq bank) tarapınan keşendi tekseristiñ jürgiziluiniñ ayaqtaluı;

• Nwrjan Subhanberdin jäne Ortalıq-Aziya Investiciyalıq Kompaniyası ielik etetin Qazkommercbank AQ akciyalar paketin Raqışevtıñ satıp aluı;

• Qazkommercbank aldındağı BTA Bank qarızınıñ tolıq ötelui;

• Qazaqstandağı tiisti retteuşi organdar jäne belgili bir basqa da qwziretti orındardan standarttı retteuşi maqwldamasın aluı;

• 2014 jılğı kelisim boyınşa Qazkommercbank AQ "Samwrıq-Qazına" AQ aldındağı BTA AQ akciyaları üşin 41 mlrd teñge qarızın öteui.

Osığan deyin habarlağanday, QR Wlttıq banki kelisimimen Halıq bank Kazkommercbanktiñ menşikti kapitalınıñ jetkiliktilik koefficientin salıstıruğa bolatın qazaqstandıq bankter wstanatın mänderge say keltiru üşin Kazkommercbankti 185 mlrd teñgege qosımşa kapitaldandıru josparlanuda.

Sonday-aq, Halıq banktiñ basqarma törağası Ümit Şayahmetova İT-tehnologiya salasın damıtudı jalğastırıp, klientterdi kreditteudi qayta bastap jäne Kazkommercbanktiñ käsibi kadrların saqtap qaluğa, klienttik servistiñ sapasın jaqsartuğa bar küş-jigerdi salatının atap ötti.

 “The Qazaq Times”