فوتو: inform.kz

 2017 جىلعى 15 ماۋسىمدا "قازاقستان حالىق بانكى" اق   "قازكوممەرتسبانك" اق-نىڭ 96.81% جاي اكتسيالارىن ساتىپ الۋ-ساتۋ بويىنشا مامىلەنى اياقتادى. بۇل اكتسيالاردىڭ 86.09%-ى بيزنەسمەن كەڭەس راقىشەۆقا، 10.72%-ى "سامۇرىق-قازىنا" اق ۇلتتىق ءال-اۋقات قورىنا تيەسىلى بولعان.

بانكتىڭ ءباسپاسوز قىزمەتىنىڭ حابارلاۋىنشا، مامىلە الدىن الا بىرقاتار شارتتار ورىندالعاننان كەيىن اياقتالعان. ورىندالعان شارتتار مىنالار:

• حالىق بانك جانە قازاقستان رەسپۋبليكاسىنىڭ ۇلتتىق بانكى (ارى قاراي – ۇلتتىق بانك) تاراپىنان كەشەندى تەكسەرىستىڭ جۇرگىزىلۋىنىڭ اياقتالۋى;

• نۇرجان سۋبحانبەردين جانە ورتالىق-ازيا ينۆەستيتسيالىق كومپانياسى يەلىك ەتەتىن قازكوممەرتسبانك اق اكتسيالار پاكەتىن راقىشەۆتىڭ ساتىپ الۋى;

• قازكوممەرتسبانك الدىنداعى بتا بانك قارىزىنىڭ تولىق وتەلۋى;

• قازاقستانداعى ءتيىستى رەتتەۋشى ورگاندار جانە بەلگىلى ءبىر باسقا دا قۇزىرەتتى ورىنداردان ستاندارتتى رەتتەۋشى ماقۇلداماسىن الۋى;

• 2014 جىلعى كەلىسىم بويىنشا قازكوممەرتسبانك اق "سامۇرىق-قازىنا" اق الدىنداعى بتا اق اكتسيالارى ءۇشىن 41 ملرد تەڭگە قارىزىن وتەۋى.

وسىعان دەيىن حابارلاعانداي، قر ۇلتتىق بانكى كەلىسىمىمەن حالىق بانك كازكوممەرتسبانكتىڭ مەنشىكتى كاپيتالىنىڭ جەتكىلىكتىلىك كوەففيتسيەنتىن سالىستىرۋعا بولاتىن قازاقستاندىق بانكتەر ۇستاناتىن ماندەرگە ساي كەلتىرۋ ءۇشىن كازكوممەرتسبانكتى 185 ملرد تەڭگەگە قوسىمشا كاپيتالداندىرۋ جوسپارلانۋدا.

سونداي-اق، حالىق بانكتىڭ باسقارما توراعاسى ءۇمىت شاياحمەتوۆا ءىت-تەحنولوگيا سالاسىن دامىتۋدى جالعاستىرىپ، كليەنتتەردى كرەديتتەۋدى قايتا باستاپ جانە كازكوممەرتسبانكتىڭ كاسىبي كادرلارىن ساقتاپ قالۋعا، كليەنتتىك سەرۆيستىڭ ساپاسىن جاقسارتۋعا بار كۇش-جىگەردى سالاتىنىن اتاپ ءوتتى.

 “The Qazaq Times”