Foto: Dengi.ua

Mausım ayında Qazaqstannıñ iri qalalarında ekinşi deñgeyli üyler arzandağanmen, öñirlerde kerisinşe bağa joğarılağan. Bwl turalı Homsters.kz sarapşıları mälimdep otır.

Ekinşi deñgeyli twrğın üylerdiñ bağası Astana (0,9% nemese 324,7 mıñ teñgege deyin), Almatı (na 0,6%, 347 mıñ teñgege deyin) jäne Şımkentte ( 1,5%ğ 202,3 mıñ teñgege deyin) arzan. Al Qarağandı, Aqtöbe, Taraz, Pavlodar qalasında ekinşi narıq üyleriniñ bağası 1%-dan 6%-ğa deyin qımbattağan. Atalğan qalalardağı ortaşa ösim 2,5-3%-dı qwradı.

"Mausım ayında ekinşi narıqtağı üylerdiñ bağasına birinşiden teñge kursınıñ tömendeui äser etti. Al iri qalalarda jäne keybir öñirlerdegi jağday ärtürli. Mısalı iri qalalardağı satuşılar ob'ektilerdiñ bağasın teñgemen belgilegen. Sondıqtan teñgeniñ qwbılmalığı asa bayqala qoyğan joq. Onıñ üstine nısandarın satuğa qızığuşılıq tanıtqandar bağanı arzandatuğa mäjbür boldı. Nätijesinde Almatı jäne Astana qalasındağı üylerdiñ dollar ekvivalentindegi bağası şamamen 5-6%-ğa arzandadı", – dedi Homsters.kz sarapşısı Mariya Ren.

Onıñ aytuınşa, öñirlerdegi satuşılar äli de bolsa twrğın üydiñ bağasın amerikalıq valyutada belgileydi. Sondıqtan dollardıñ qımbattauı ekinşi deñgeyli üylerdiñ bağasın birden köterip jiberedi.

Sonday-aq, sarapşı şilde jäne tamız ayında mwnay bağası men teñge twraqtı bolğan jağdayda respublikadağı barlıq eski twrğın üylerdiñ bağası arzandauın jalğastıradı degendi aytadı. Tipti jaz soñına deyin ekinşi narıqtağı bağa 2-4%-ğa deyin tömendeui mümkin.

“The Qazaq Times”