فوتو: Dengi.ua

ماۋسىم ايىندا قازاقستاننىڭ ءىرى قالالارىندا ەكىنشى دەڭگەيلى ۇيلەر ارزانداعانمەن، وڭىرلەردە كەرىسىنشە باعا جوعارىلاعان. بۇل تۋرالى Homsters.kz ساراپشىلارى مالىمدەپ وتىر.

ەكىنشى دەڭگەيلى تۇرعىن ۇيلەردىڭ باعاسى استانا (0,9% نەمەسە 324,7 مىڭ تەڭگەگە دەيىن), الماتى (نا 0,6%، 347 مىڭ تەڭگەگە دەيىن) جانە شىمكەنتتە ( 1,5%ع 202,3 مىڭ تەڭگەگە دەيىن) ارزان. ال قاراعاندى، اقتوبە، تاراز، پاۆلودار قالاسىندا ەكىنشى نارىق ۇيلەرىنىڭ باعاسى 1%-دان 6%-عا دەيىن قىمباتتاعان. اتالعان قالالارداعى ورتاشا ءوسىم 2,5-3%-دى قۇرادى.

"ماۋسىم ايىندا ەكىنشى نارىقتاعى ۇيلەردىڭ باعاسىنا بىرىنشىدەن تەڭگە كۋرسىنىڭ تومەندەۋى اسەر ەتتى. ال ءىرى قالالاردا جانە كەيبىر وڭىرلەردەگى جاعداي ءارتۇرلى. مىسالى ءىرى قالالارداعى ساتۋشىلار وبەكتىلەردىڭ باعاسىن تەڭگەمەن بەلگىلەگەن. سوندىقتان تەڭگەنىڭ قۇبىلمالىعى اسا بايقالا قويعان جوق. ونىڭ ۇستىنە نىساندارىن ساتۋعا قىزىعۋشىلىق تانىتقاندار باعانى ارزانداتۋعا ءماجبۇر بولدى. ناتيجەسىندە الماتى جانە استانا قالاسىنداعى ۇيلەردىڭ دوللار ەكۆيۆالەنتىندەگى باعاسى شامامەن 5-6%-عا ارزاندادى", – دەدى Homsters.kz ساراپشىسى ماريا رەن.

ونىڭ ايتۋىنشا، وڭىرلەردەگى ساتۋشىلار ءالى دە بولسا تۇرعىن ءۇيدىڭ باعاسىن امەريكالىق ۆاليۋتادا بەلگىلەيدى. سوندىقتان دوللاردىڭ قىمباتتاۋى ەكىنشى دەڭگەيلى ۇيلەردىڭ باعاسىن بىردەن كوتەرىپ جىبەرەدى.

سونداي-اق، ساراپشى شىلدە جانە تامىز ايىندا مۇناي باعاسى مەن تەڭگە تۇراقتى بولعان جاعدايدا رەسپۋبليكاداعى بارلىق ەسكى تۇرعىن ۇيلەردىڭ باعاسى ارزانداۋىن جالعاستىرادى دەگەندى ايتادى. ءتىپتى جاز سوڭىنا دەيىن ەكىنشى نارىقتاعى باعا 2-4%-عا دەيىن تومەندەۋى مۇمكىن.

“The Qazaq Times”