Foto: e-history.kz

2017 jılğı mausımda Qazaqstan Respublikasınıñ Prezidenti «Qorğanıs pen äskeri qızmet mäseleleri boyınşa keybir zañnamalıq aktilerge özgerister men tolıqtırular engizu turalı» Qazaqstan Respublikasınıñ Zañına qol qoydı, dep habarlaydı QR Qorğanıs ministrliginiñ baspasöz qızmeti.

Qabıldanğan Zañda äskeri qızmetşilerge äskeri qızmet ötkeru wzaqtığı men jağdayına qaray jıl sayınğı negizgi eñbek demalısınıñ merzimi wlğaytıldı. Bwl äskeri qızmetşilerdiñ ğana emes, sonımen birge, olardıñ otbası müşelerine äleumettik hal-jağdayına oñ äser etedi.

«Podpolkovnik» şenindegi äskeri qızmetşilerge äskeri qızmette boludıñ şekti merzimi qırıq segiz jasqa deyin wzartıldı. Bwl jekelegen äskeri qızmetşilerge äskeri qızmette boludıñ şekti jasına deyin qızmet etuge mümkindik beredi.

Atalğan Zañ äskeri qızmetke jäne arnayı memlekettik organdar qızmetine kiru, ötkeru jäne bosatılu kezinde, onıñ işinde, QR men şetel memleketteriniñ bilim beru wyımdarında oqıta otırıp,  közqarastı birizdendiru, sonday-aq QR Qarulı Küşteriniñ qwramına aumaqtıq qorğanıs qwralımdarın engize otırıp,  elimizdiñ qorğanısınıñ ortaq jüyesine aumaqtıq qorğanıstı kiriktiru jöninde twjırımdamalıq mindetterdi şeşuge bağıttalğan.

Jaña Zañda Qarulı Küşterdiñ, arnayı memlekettik jäne qwqıq qorğau organdarınıñ mwqtajdığı üşin memlekettik qorğanıs tapsırısın qalıptastıru, ornalastıru jäne orındau tärtibi jetildirilgen, sonday-aq qorğanıs, kölik, saudalıq teñizde jüzu, äue keñistigin, jol qozğalısın paydalanu ayasında  zamanaui qauip-qaterlerdi eskere otırıp, Ükimettiñ uäkilettilikteri,  Qorğanıs ministrligi men Bas ştabtıñ funkciyaları naqtılanğan.

“The Qazaq Times”