Foto: aktau-business.com

Qazaqstan atom elektr stanciyasın salu turalı şeşimdi 2018 jıldıñ soñına qaray qabıldaydı. Bwl turalı atom energiyası jönindegi halıqaralıq agenttiktiñ (AEHA) sessiyasında QR energetika ministrligi atom energiyası jäne önerkäsip departamentiniñ direktorı Batırjan Qaraközov mälimdedi. 

"Qazirgi uaqtta atom elektr stanciyasın saludıñ tehnika-ekonomikalıq negizdemesin jasau qolğa alındı. 2018 jıldıñ soñına deyin şeşim qabıldanadı", - dedi ol.

Onıñ sözinşe, AES salınatın orın AEHA standartı boyınşa tañdalğan. Sonımen qazirgi uaqıtta Kurçatov qalası men Balqaş köline jaqın mañdağı Ülken auılı AES salınatın aymaqtar retinde naqtılanıp otır.

Qaraközovtiñ sözinşe, yadrolıq energetikağa qatıstı mwnday wzaq merzimdi jäne qımbat twratın joba karbonat qaldıqtarın azaytudıñ balaması. Alayda Qazaqstannıñ energobalansındağı yadrolıq energiyanıñ ülesi qanday ekenin departament basşısı ayta almadı.

"Naqtı qwrılım esebi aldağı uaqıtta wsınıladı, wzaq merzimdi boljam jasaladı", - dedi Qaraközov.

Ayta keteyik, 2016 jıldıñ soñında Energetika ministrligi AES saludıñ qajeti joq jäne aldağı 7 jılda AES qwrılısı turalı mäsele bolmaytının mälimdegen.

“The Qazaq Times”