قازاقستان اتوم ەلەكتر ستانتسياسىن سالۋ تۋرالى شەشىمدى 2018 جىلدىڭ سوڭىنا قاراي قابىلدايدى. بۇل تۋرالى اتوم ەنەرگياسى جونىندەگى حالىقارالىق اگەنتتىكتىڭ (اەحا) سەسسياسىندا قر ەنەرگەتيكا مينيسترلىگى اتوم ەنەرگياسى جانە ونەركاسىپ دەپارتامەنتىنىڭ ديرەكتورى باتىرجان قاراكوزوۆ مالىمدەدى.
"قازىرگى ۋاقتتا اتوم ەلەكتر ستانتسياسىن سالۋدىڭ تەحنيكا-ەكونوميكالىق نەگىزدەمەسىن جاساۋ قولعا الىندى. 2018 جىلدىڭ سوڭىنا دەيىن شەشىم قابىلدانادى", - دەدى ول.
ونىڭ سوزىنشە، اەس سالىناتىن ورىن اەحا ستاندارتى بويىنشا تاڭدالعان. سونىمەن قازىرگى ۋاقىتتا كۋرچاتوۆ قالاسى مەن بالقاش كولىنە جاقىن ماڭداعى ۇلكەن اۋىلى اەس سالىناتىن ايماقتار رەتىندە ناقتىلانىپ وتىر.
قاراكوزوۆتىڭ سوزىنشە، يادرولىق ەنەرگەتيكاعا قاتىستى مۇنداي ۇزاق مەرزىمدى جانە قىمبات تۇراتىن جوبا كاربونات قالدىقتارىن ازايتۋدىڭ بالاماسى. الايدا قازاقستاننىڭ ەنەرگوبالانسىنداعى يادرولىق ەنەرگيانىڭ ۇلەسى قانداي ەكەنىن دەپارتامەنت باسشىسى ايتا المادى.
"ناقتى قۇرىلىم ەسەبى الداعى ۋاقىتتا ۇسىنىلادى، ۇزاق مەرزىمدى بولجام جاسالادى", - دەدى قاراكوزوۆ.
ايتا كەتەيىك، 2016 جىلدىڭ سوڭىندا ەنەرگەتيكا مينيسترلىگى اەس سالۋدىڭ قاجەتى جوق جانە الداعى 7 جىلدا اەس قۇرىلىسى تۋرالى ماسەلە بولمايتىنىن مالىمدەگەن.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى