Foto: Moy gorod

Büginnen bastap  äskeri qızmetkerler men policiyanıñ jalaqısı ösip, järdemaqı men zeynetaqı köteriledi jäne mindetti medicinalıq saqtandıruğa aqşa audaru bastaladı.

QR Qorğanıs ministrligi, Memlekettik küzet qızmeti, Wlttıq qauipsizdik komiteti, Wlttıq gvardiya qızmetkerleriniñ  jalaqısı 25 payızğa östi. Prezident N.Ä.Nazarbaev bwl turalı mamır ayında jasağan mälimdemesinde bwl şara el täuelsizdigi men qarulı küşterdiñ 25 jıldığına oray qolğa alınıp otırğanın aytqan edi.

Däl osınday jalaqısına 25 payızdıq üstemege policiya qızmetkerleri de qol jetkizedi. Sonday-aq, qazaqstandıqtardıñ zeynetaqısı 20 payızğa artıp, endi eñ tömengi zeynetaqı mölşeri 45177 teñgeni qwraydı. Ağımdağı jıldıñ mausım ayındağı Prezidenttiñ jarlığına säykes joğarılağan zeynetaqını eldegi 2 mln zeynetkerdiñ barlığı alatın boladı.

2017 jıldıñ 1 şildesinde balanıñ düniege keluine baylanıstı beriletin bir rettik järdemaqınıñ kölemi bwrınğıdan  20 payızğa köbeyedi.

Sonımen qatar, büginnen bastap jwmıs beruşiler men jeke käsipkerler wzaq talqığa tüsken mindetti medicinalıq saqtandırudıñ qarjısın äleumettik-medicinalıq saqtandıru qorına audara bastaydı.

“The Qazaq Times”