Foto: Seedstars World

Damuşı narıq pen bolaşağınan zor ümit küttiretin startap jobalarğa qoldau körsetu maqsatında wyımdastırılatın Seedstars World bayqauı biıl Qazaqstanğa ekinşi ret keledi.

Älemniñ 70 elinde sayahattap, eñ üzdik jobalardı anıqtap, olardıñ jüzege asuı üşin investorlar men keñesşi mamandar tabuğa kömektesetin Seedstars World bayqauı osı uaqıtqa deyin 61 mln dollar  investiciya tartıp, älemniñ är böliginde 800-ge juıq adamdı jwmıspen qamtığan.

Seedstars World - iri investorlar men jas käsipkerlerdiñ arasında baylanıs ornatatın alañ.  Qarjı, jarnama, media, sayahat, özge de ğalamtor tehnologiyalarımen baylanıstı salalarğa basa nazar audaradı.

Qazaqstannan 10 üzdik ideya  avtorları 8-şildede Astana qalasında arnayı qwrılğan ädil-qazılardıñ aldında öz jobaların qorğaydı. Jeñimpaz atanğan adam bayqaudıñ Şveycariyada ötetin aqtıq sınına tegin joldama alıp,   1 mln dollar köleminde qarjığa qol jetkizu üşin bağın sınaydı.

“The Qazaq Times”