استانادا Seedstars World بايقاۋى وتەدى

دامۋشى نارىق پەن بولاشاعىنان زور ءۇمىت كۇتتىرەتىن ستارتاپ جوبالارعا قولداۋ كورسەتۋ ماقساتىندا ۇيىمداستىرىلاتىن Seedstars World بايقاۋى بيىل قازاقستانعا ەكىنشى رەت كەلەدى.

الەمنىڭ 70 ەلىندە ساياحاتتاپ، ەڭ ۇزدىك جوبالاردى انىقتاپ، ولاردىڭ جۇزەگە اسۋى ءۇشىن ينۆەستورلار مەن كەڭەسشى ماماندار تابۋعا كومەكتەسەتىن Seedstars World بايقاۋى وسى ۋاقىتقا دەيىن 61 ملن دوللار  ينۆەستيتسيا تارتىپ، الەمنىڭ ءار بولىگىندە 800-گە جۋىق ادامدى جۇمىسپەن قامتىعان.

Seedstars World - ءىرى ينۆەستورلار مەن جاس كاسىپكەرلەردىڭ اراسىندا بايلانىس ورناتاتىن الاڭ.  قارجى، جارناما، مەديا، ساياحات، وزگە دە عالامتور تەحنولوگيالارىمەن بايلانىستى سالالارعا باسا نازار اۋدارادى.

قازاقستاننان 10 ۇزدىك يدەيا  اۆتورلارى 8-شىلدەدە استانا قالاسىندا ارنايى قۇرىلعان ءادىل-قازىلاردىڭ الدىندا ءوز جوبالارىن قورعايدى. جەڭىمپاز اتانعان ادام بايقاۋدىڭ شۆەيتساريادا وتەتىن اقتىق سىنىنا تەگىن جولداما الىپ،   1 ملن دوللار كولەمىندە قارجىعا قول جەتكىزۋ ءۇشىن باعىن سىنايدى.

“The Qazaq Times”