Foto: strlc.ru

QR Parlamenti Senatı deputattarın saylau nätijeleri jariyalanıp, dauıs beruşilerdiñ onlayn tirkelui jüzege asatın QR Ortalıq saylau komissiyasınıñ saytına hakerlik şabuıl jasaldı.

Mälimetter bazasına qol jetkizu maqsatında jasalğan kiber-şabuıl 28 mausım küni sağat 13:13 şamasında orın alıp, hakerler jüyeniñ älsiz twsın tabuğa tırısqan.

Ortalıq saylau komissiyasınıñ törağası Berik Imaşev:

«Bizdiñ saytqa hakerlik şabuıl jasaldı. Bizdiñ tehnikalıq bölimniñ şwğıl jwmısı nätijesin berdi. Qauipsizdik deñgeyi äldeqayda joğarı bolğandıqtan, ülken tehnikalıq aqaular orın alğan joq. Degenmen, bolğan jağdayğa qatıstı arnayı qwjattardı dayındap, hakerlik şabuıldı wyımdastırğan azamattardı tauıp, olardı qılmıstıq kodekske säykes jazalau kerek»,-dep mälimdedi.

Ayta ketu kerek, soñğı bir aptada QR Ortalıq saylau komissiyasınıñ saytındağı belsendilik artıp, onıñ qoldanuşıları 21-28 mausım aralığında 287199 paraqşanı qarağan.

“The Qazaq Times”