Foto: altaynews

Memleket basşısı N.Ä.Nazarbaev Qazaqstan Respublikasınıñ 2017-2020 jıldarğa arnalğan din salasındağı memlekettik sayasat turalı twjırımdamasın bekitip, Ükimetke qabıldanğan qwjattı jüzege asıru boyınşa üş aylıq merzimge is-şaralar josparın qwrudı tapsırdı.

Twjırımdamanıñ maqsatı - elimizdiñ damuınıñ zayırlı qağidatın qamtamasız etu jäne nığaytu, azamattardıñ ar-ojdan bostandığın kepildendiru, olardıñ dindi tañday alu nemese dinnen bas tarta alu erkindigine jol aşu.

Din salasındağı memlekettik sayasattı wtımdı jüzege asıru üşin ükimet pen azamattıq qoğam ökilderiniñ äriptestigin arttıru, azamattardı dini sauattılığın joğarılatu, aqparattıq qızmetti küşeytu, destruktivti ağımdardıñ jwmısına tosqauıl qoyu  - Ükimet jasaytın josparğa enetin şaralardıñ negizgi bağıttarı.

Büginde elimizde 18 konfessiya men 3658 dini birlestik tirkelgen. Sonday-aq Qazaqstanda 2550 meşit, 294 pravoslav jäne 109 katolik şirkeuleri, 495 protestant, 2 budda ğibadathanası, 7 iudey sinagogası men Krişna jäne bahai qauımdastıqtarınıñ 7 qwlşılıq üyleri jwmıs isteydi.

“The Qazaq Times”