Ädette,  Amerika Qwrama Ştatarın qanday da bir ayıptağısı kelgenderdiñ  dinsiz el retinde atap jatatının köremiz. Bwl ülken jañsaq wğım jäne ondağı "dinsiz" degeni köbinşe "mwsılman emes" degeni bolsa kerek. Alayda, AQŞ dinşil elderdiñ qatarına jatadı. Statistika el halqınıñ 87 payızı Qwdayğa senetinin körsetedi.

Din amerikalıqtardıñ jeke ömiri ğana emes sayasatqa da ülken äserin tigizip keledi. Äsirese,  saylau nauqandarında dinderdiñ röli anıq körinedi. Prezident  Tramptıñ: "O, Täñirim,  Amerikağa rahım ete kör" dep jii aytatını da sodan. Konservativtik qwndılıqtardı  qorğauşı jäne tüsik jasaiuğa qarsı Tramp birqatar dini ağamdardıñ qoldauına ie bolğan.

Bwğan qarap AQŞ-tağı dinge senetinderdiñ bäri Tramptı qoldaydı deuge kelmeydi. Onı dinşilderdiñ qanşası qoldaytının bilu üşin Amerikadağı dini bölinisti anıqtay ketuge tura keledi.

Tramptıñ negizgi elektoratı aq näsildi hristiandar delinedi. Aq näsildi hristiandar bolsa amerika qoğamındağı eñ ülken dini top,  sondıqtan da Tramptıñ qolında ülken "köziri" bar deytinde  sözder aytıladı.

Gallup attı zertteu wyımınıñ qorıtındısın birqatar iri aqparat qwraldarı alğa tartıp jatır. AQŞ-ta eñ köp sanda hristiandar twradı. Olardıñ özi ülken jaqtan katolikter jäne protestanttar dep ekige böledi. Jalpı jaqtan protestanttar san jağınan  katolikterden älde qayda köp, Tramp osı dinge senuşiler qatarında ataladı,  alayda olar da işinen tarmaqtalıp türli şirkeulerge bölinip ketedi. Tipti,  "aq" jäne "qara" şirkeuler sekildi.

"Aq" tüsti şirkeulerdiñ 78 payızı Tramptıñ twraqtı elektratı dep körsetedi amerikalıq zertteu ortalıqtarı. Osığan kerisinşe "Qaralardıñ ömiri de bağalı" degen qozğalısqa say "Qar şirkeulerdiñ" 90 payızğa juığı demokrattarğa jaqtas.

Katolikter bolsa AQŞ-ta ekinşi orındağı dini top. Saylau qwqığına ie amerikalıqtardıñ 22 payızın tüzedi. Demokrattardıñ ümitkeri Bayden osı dini topqa kiredi. Biraq,  zertteu nätijesine qarağanda biıl katolikterdiñ 51 payzı ğana Bayjenge jaqtas körinedi. Sondıqtan bwl dini top saylau nätijesine ayırqşa ıqpal ete almaydı degen de pikir bar. Bwlarmen qatar aq tändi katolikterdiñ basım köbi Tramptı qoldaytını da belgili boldı.

Ädette dinşilderdiñ köbi Respublikaşıldarğa jaqtas bolıp kelgen,  oğan sebep keybir senimge qatıstı qwndılıqtarda ortaqtasatın  twstarı bar. Sondıqtan Bayden üşin bwl jağı qiınşılıq alıp keleri ıqtimal. Al,  demokrattardı köbinese amerikalıq mwsılmandar men iudauizm ökilderi qoldaydı.

Zañdarına say prezidentke ümitkerler şirkeulerde ügit jürgize almaydı. Biraq,  keyde bwl talaptar atqarılmay qalıp jatadı. Dinşil elektorattardı tartuda Tramp 2016 jıldan beri basımdıq  körsetip keledi. Onıñ mälimdemelerinde dinge senetinderge arnayı orın berlip otıradı. Biraq onıñ dinge qanşalıq senetini öz aldına mäsele,  bwl turalı qarapayım amerikalıqtar jii pikirtalasqa tüsip jatadı.

"The Qazaq Times"