Qwqıqbwzuşılıq qwrbanı bolğan balalardıñ suretin jariyalağandar jazalanatın boldı

«Qazaqstan Respublikasınıñ keybir zañnamalıq aktilerine aqparat jäne kommunikaciyalar mäseleleri boyınşa özgerister men tolıqtırular eñgizu turalı» zañ jobasına säykes, endi qwqıqbwzuşılıqtardıñ qwrbanı bolğan balalardıñ suretteri men olar turalı jeke derekterdi jariyalau 200 AEK deyin ayıppwl töleuge äkelip soğuı mümkin. Bwl turalı Qazaqstan Respublikası Aqparat jäne kommunikaciyalar ministrligi habarladı.

Balalarğa qarsı orındalğan qılmıstıq äreketten zardap şekken jetkinşekterdiñ beynesin, olar turalı tolıq derekterdi jariyalağanı üşin jeke twlğalarğa – 5 AEK, ökiletti  twlğalar, şağın käsipkerlik sub'ektileri men ükimettik emes wyımdarğa – 25 AEK, ortaşa käsipkerlik sub'ektilerine – 50 AEK, iri käsipkerlerge – 100 AEK köleminde ayıppwl salınadı. Atalğan fakti qaytalanğan jağdayda, jeke twlğalar memleketke belgilengen ayıppwl mölşerinen 10 ese artıq, 50 AEK köleminde qarjı beruge mindettelse, şağın käsipkerlerlik sub'ektileri men ükimettik emes wyımdar – 50 AEK, orta jäne iri käsiporındar 100-200 AEK mölşerinde ayıppwl  arqalaydı.

Belgilengen zañnıñ talaptarın orındamay, äkimşilik jauapkerşilikke qatarınan birneşe ret  tartılu  - bwqaralıq aqparat qwralınıñ jabıluımen ayaqtaladı.

“The Qazaq Times”