Astanada öz isin aşıp nemese biznesin keñeytkisi keletin azamattar üşin «1000 orın – köşe saudası» bağdarlamasınıñ kezekti kezeñi bastaldı delingen Astana äkimdigi media ortalığınıñ habarlamasında.

Eki jıl bwrın astanalıq äkimdikte şağın jäne orta biznes sub'ektileri üşin «1000 orın – köşe saudası» bağdarlaması äzirlengen bolatın. Bağdarlamanıñ maqsatı - qızmet körsetu salasınıñ sapa deñgeyin köteru, köşe saudasın zamanaui formatqa keltiru.

Öz isin endi bastap kele jatqan käsipkerlerge memleket tarapınan qoldau körsetilude, sonıñ bir ayğağı retinde köşede sauda-sattıq jürgizu üşin 7 jılğa jalğa alumen dayın dükenşiktermen  jabdıqtalğan arnayı jer uçaskeleri bölingen bolatın. Eki jıldıñ qorıtındısı boyınşa jeke käsipkerlermen birneşe mıñdağan kelisimşart jasaldı. Osılayşa Astana qalasınıñ köşelerindegi sauda-sattıq jüyesi jaña qarqın aldı.

Bağdarlamanıñ iske asuı arqasında zamanaui formatqa säykes keletin köşe saudasınıñ nısandarı künnen-künge köbeyip keledi. Qoğamdıq tamaqtanu orındarı, balmwzdaq satılatın doñğalaqtı dükenşikter, türli gül, kädesıy dükenderi men nan jäne toqaş, sonday-aq kökönis önimderiniñ dükenşikteri qalanıñ säulet kelbetine säykestendirilip jasaldı. Bwl dükenşikter memlekettik qoldaudıñ arqasında aşılıp otır.

“The Qazaq Times”