استانادا ءوز ءىسىن اشىپ نەمەسە بيزنەسىن كەڭەيتكىسى كەلەتىن ازاماتتار ءۇشىن «1000 ورىن – كوشە ساۋداسى» باعدارلاماسىنىڭ كەزەكتى كەزەڭى باستالدى دەلىنگەن استانا اكىمدىگى مەديا ورتالىعىنىڭ حابارلاماسىندا.

ەكى جىل بۇرىن استانالىق اكىمدىكتە شاعىن جانە ورتا بيزنەس سۋبەكتىلەرى ءۇشىن «1000 ورىن – كوشە ساۋداسى» باعدارلاماسى ازىرلەنگەن بولاتىن. باعدارلامانىڭ ماقساتى - قىزمەت كورسەتۋ سالاسىنىڭ ساپا دەڭگەيىن كوتەرۋ، كوشە ساۋداسىن زاماناۋي فورماتقا كەلتىرۋ.

ءوز ءىسىن ەندى باستاپ كەلە جاتقان كاسىپكەرلەرگە مەملەكەت تاراپىنان قولداۋ كورسەتىلۋدە، سونىڭ ءبىر ايعاعى رەتىندە كوشەدە ساۋدا-ساتتىق جۇرگىزۋ ءۇشىن 7 جىلعا جالعا الۋمەن دايىن دۇكەنشىكتەرمەن  جابدىقتالعان ارنايى جەر ۋچاسكەلەرى بولىنگەن بولاتىن. ەكى جىلدىڭ قورىتىندىسى بويىنشا جەكە كاسىپكەرلەرمەن بىرنەشە مىڭداعان كەلىسىمشارت جاسالدى. وسىلايشا استانا قالاسىنىڭ كوشەلەرىندەگى ساۋدا-ساتتىق جۇيەسى جاڭا قارقىن الدى.

باعدارلامانىڭ ىسكە اسۋى ارقاسىندا زاماناۋي فورماتقا سايكەس كەلەتىن كوشە ساۋداسىنىڭ نىساندارى كۇننەن-كۇنگە كوبەيىپ كەلەدى. قوعامدىق تاماقتانۋ ورىندارى، بالمۇزداق ساتىلاتىن دوڭعالاقتى دۇكەنشىكتەر، ءتۇرلى گۇل، كادەسىي دۇكەندەرى مەن نان جانە توقاش، سونداي-اق كوكونىس ونىمدەرىنىڭ دۇكەنشىكتەرى قالانىڭ ساۋلەت كەلبەتىنە سايكەستەندىرىلىپ جاسالدى. بۇل دۇكەنشىكتەر مەملەكەتتىك قولداۋدىڭ ارقاسىندا اشىلىپ وتىر.

“The Qazaq Times”