Foto: Kapital.kz

Qazaqstannıñ depozitterge kepildik qorımen (QDKQ) bekitilgen teñgede salınğan depozitterdiñ eñ joğarğı tiimdi sıyaqı mölşerlemesi özgerissiz qaladı. Bwl turalı Wlttıq bank törağası Daniyar Aqışev mälimdedi. QDKQ bekitken joğarğı mölşerleme - 14%. 

Aqışevtıñ sözinşe, depozit boyınşa mölşerleme Qazaqstandağı inflyaciya deñgeyine, bankterdegi ötimdilikke, makroekonomikalıq jağdayğa jäne bankterdiñ täuekelderi men şığındarına baylanıstı retteledi.

"Biz depozitter boyınşa mölşerlemelerdiñ tömendep jatqanın baqılap otırmız jäne bwl procesti qoldaymız. Bank sektorındağı ötimdilik deñgeyiniñ jaqsı boluına jäne inflyaciyalıq processterdiñ tömendeuine baylanıstı depozit mölşerlemesi tömendeui mümkin. QDKQ joğarğı "şekti" qoydı, biz odan asıp kete almaymız, tömen tüsuge "nietimiz" bar", - dedi ol.

Sonday-aq, onıñ sözinşe, qazirgi uaqıtta Wlttıq bank ekinşi deñgeyli banktermen qaytarılmaytın depozit mäselelerin talqılap jatır. YAğni salımşılarğa da, bankterge de tiimdi bolatınday depozitti uaqıtınan bwrın şeşip almau şartı qarastırıladı. Depozittiñ bwl türiniñ erekşeligi sol– jıldıq mölşerlemesi köp boladı, degenmen uaqıtınan bwrın şeşip alu mümkindigi qarastırılmaydı.

«Bwl üşin zañnıñ biraz normaların özgertu kerek. Salımşı qanday depozit tañdaytının özi biledi. Bwl basqa depozit türlerine äser etpeydi. Qaytarılmaytın depozitter boyınşa mölşerleme joğarı äri soma kepildendiriledi. Bwl boyınşa swraqtar talqılanadı", - dedi bankir.

“The Qazaq Times”