Foto: mfa.kz

​Qazaqstan jäne Tailand özara vizasız rejim turalı qwjat kelisimin jıldamdatıp jatır. Bwl turalı QR Sırtqı ister ministriniñ birinşi orınbasarı Mwhtar Tileuberdi men Tailand Korol'digi Sırtqı ister ministriniñ orınbasarı Virasakdi Futrakulmen kezdesui kezinde talqılandı, dep habarlaydı ministrliktiñ baspasöz qızmeti.

Kezdesu barısında taraptar ekijaqtı qarım-qatınastardıñ sayasi, ekonomikalıq, ğılımi-tehnikalıq, mädeni salalardağı jay-küyi men keleşegi turalı pikir almastı.

Qazaqstandıq tarap Qazaqstan men Tailandtıñ azamattarı üşin vizasız rejim ornatudı wsındı. Eki eldiñ sırtqı sayasi vedomstvolarınıñ orınbasarları tiisti ükimetaralıq kelisimniñ jobasın qarastıru procesin jıldamdatudıñ qajettigi jöninde ortaq pikirge keldi.

Kezdesudiñ qorıtındısı boyınşa taraptar Qazaqstan Respublikasınıñ Ükimeti men Tailand Korol'diginiñ Ükimeti arasındağı diplomatiyalıq jäne qızmettik/resmi pasporttardıñ ielerin vizalıq talaptardan bosatu turalı kelisimge qol qoydı.

“The Qazaq Times”