قازاقستان جانە تايلاند ءوزارا ۆيزاسىز رەجيم تۋرالى قۇجات كەلىسىمىن جىلدامداتىپ جاتىر. بۇل تۋرالى قر سىرتقى ىستەر ءمينيسترىنىڭ ءبىرىنشى ورىنباسارى مۇحتار تىلەۋبەردى مەن تايلاند كورولدىگى سىرتقى ىستەر ءمينيسترىنىڭ ورىنباسارى ۆيراساكدي فۋتراكۋلمەن كەزدەسۋى كەزىندە تالقىلاندى، دەپ حابارلايدى مينيسترلىكتىڭ ءباسپاسوز قىزمەتى.
كەزدەسۋ بارىسىندا تاراپتار ەكىجاقتى قارىم-قاتىناستاردىڭ ساياسي، ەكونوميكالىق، عىلىمي-تەحنيكالىق، مادەني سالالارداعى جاي-كۇيى مەن كەلەشەگى تۋرالى پىكىر الماستى.
قازاقستاندىق تاراپ قازاقستان مەن تايلاندتىڭ ازاماتتارى ءۇشىن ۆيزاسىز رەجيم ورناتۋدى ۇسىندى. ەكى ەلدىڭ سىرتقى ساياسي ۆەدومستۆولارىنىڭ ورىنباسارلارى ءتيىستى ۇكىمەتارالىق كەلىسىمنىڭ جوباسىن قاراستىرۋ پروتسەسىن جىلدامداتۋدىڭ قاجەتتىگى جونىندە ورتاق پىكىرگە كەلدى.
كەزدەسۋدىڭ قورىتىندىسى بويىنشا تاراپتار قازاقستان رەسپۋبليكاسىنىڭ ۇكىمەتى مەن تايلاند كورولدىگىنىڭ ۇكىمەتى اراسىنداعى ديپلوماتيالىق جانە قىزمەتتىك/رەسمي پاسپورتتاردىڭ يەلەرىن ۆيزالىق تالاپتاردان بوساتۋ تۋرالى كەلىسىمگە قول قويدى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى