Türkitildes memleketter keñesiniñ Stambulda ötken sammiti qarsañında Resey sırtqı ister ministri Sergey Lavrov «Rossiyskaya gazeta» basılımında jariyalanğan maqalasında Qazaqstanda orıs tildilerge ksenofobiyalıq közqaras barın aytqan bolatın. Onıñ bwl sözine Qazaqstan qoğamı der kezinde narazılıq bildirgenimen resmi bilik atınan QR sırtqı ister ministri Mwhtar Tileuberdi reseylik äriptesiniñ sözine endi ğana pikir bildirdi.

18 qaraşada Azattıq tilşisiniñ swrağına jauap bergen QR sırtqı ister ministri «bwl maqala eñ birinşiden, Qazaqstan men Resey arasındağı jaqsı qarım-qatınas turalı. Sizder onıñ sözin konteksten bölip äketpeñizder» degen ministr «Maqalada ne aytılğan? Qazaqstan men Resey arasında sırtqı ister ministrligi, qwqıq qorğau organdarı, prezident äkimşilikteri arasında tikeley baylanıs kanaldarı ornatılğan. Osı kanaldarğa süyenip, biz sonday mäselelerdi: şovinizm bolsın, ksenofobiya bolsın, sonday oqiğalarğa birlesip jauap bere alamız» dep täpsirledi.

Al juranalistiñ «Qazaqstan SİM Lavrovtıñ sözine nege pikir bildirmedi?» degen saualına Tileuberdi mırza bwğan deyin ministrlikten osı jöninde eşkimniñ swramağanın aytıp aqtaldı.

Bwğan deyin Lavrovtıñ sözine pikir bildirmegen bilik ökiliniñ «Rossiyskaya gazetasına» jariyalanğan maqalanı basqaşa täpsirlep  ksenofobiya turalı naqtı aytılğan sözdi aynalıp ötui de qoğam narazılığına wşırap jatır.

The Qazaq Times