Sırtqı sayasi vedomstvodağı kezdesu. Foto: QR SİM resmi saytı

9 säuir, senbi küni QR SİM basşısı Mwhtar Tileuberdi Prezidenttik jastar kadrlıq rezerviniñ ökilderimen kezdesti. Sırtqı sayasi vedomstvoda ötken şarada ministrlik qızmetiniñ barlıq bağıttarı boyınşa aşıq pikir almasu bolğanın vedomstvonıñ resmi saytı jazdı. 

Resmi sayttıñ habarına qarağanda kezdesude ministr M.Tileuberdi Qazaqstannıñ sırtqı sayasatındağı negizgi basımdıqtar turalı atap ötken. Bwğan qosa Qazaqstannıñ qazirgi jalpı sayasi damu bağıtındağı atalmış ministrliktiñ röli turalı söylegen.

Ministrlik saytınıñ habarında ondağı bayandamalar men pikirler turalı aşıq mälimet joq. Biraq, sırtqı sayasi basımdıqtar, investiciyalıq jäne kadr sayasatı, sonday-aq, şeteldegi qazaq diasporasımen jwmıs sekildi taqırıptardı talqılağan. Bwğan qosa, kadrlk rezerv ökilderimen (jas mamandarmen) özge de swraqtar boyınşa äñgime örbitken. Öz kezeginde jas mamandar özderiniñ sırtqı sayasi bağıttar boyınşa öz pikirlerin ortağa salğan.

Kezdesuden keyin QR sırtqı ister ministriniñ orınbasarları kadrlıq rezervtegi jas mamandarmen jeke swhbat ötkizgen.

Kezdesudiñ naqtı mazmwnı bolmağanımen, resmi mälimetterge qaray otırıp, aldağı uaqıtta Sırtqı ister ministrliginiñ kadrlıq qwramında jäne qızmetterinde birqatar jañalıqtar boluı mümkin dep boljauğa boladı.

The Qazaq Times