Foto: kapital.kz

Oñtüstik Qazaqstan oblısında şikizat sektorınan dayın önim sektorına ötu bağıtında 8 iri investiciyalıq joba jüzege asırılıp jatır. Bwl turalı bügin Öñirlik kommunikaciya qızmetinde ötken brifingte oblıstıq auıl şaruaşılığı basqarması basşısı Serik Twrbekov mälimdedi.

Onıñ aytuınşa, oblısta investiciya somması 18,5 mlrd teñgeni  qwraytın, quattılığı jılına 30 mıñ tonna qws etin öndiretin    «AK Kazyna» JŞS-niñ jobasın iske asıru jwmıstarı bastalğan. Al, «Ordabası-Qws» JŞS-gi kürke tauıq etin öndiru öñdeu öndiristik quattılığın jılına 25 mıñ tonnağa jetkizu boyınşa kelisimge qol qoyğan. Mwnan bölek, Şardara audanında balıq önimderin qayta öñdeytin eki zauıttı iske asıru jwmıstarı jürgizilse, investiciya somması 7,8 mlrd teñgeni qwraytın tüye sütin qayta öñdeytin zauıt salu jwmıstarı bastalğan.

Sonday-aq, Qıtay investorlarımen investiciya somması 21,6 mlrd teñge bolatın tomat zauıtın salu jobasına kelisim jasalsa, 1 mıñ ga aumaqqa qarqındı jañğaq bauın otırğızu jobasın jüzege asıru investorlar tarapınan qoldau kelisimin taptı. Atalğan joba boyınşa jerdi tañdap, qwjattardı räsimdeu jwmıstarı jürgizilude. Bwdan basqa, birneşe investorlardıñ qatısuımen investiciya somması 51,2 mlrd teñgege 136 ga aumaqta Şımkent qalalıq öndiristik jılıjaylar salu jobasın («Tepliçnıy ray») jüzege asıru josparlanuda. Al, Qazığwrt audanında «Asıl bastau» JŞS investiciya somması 603 mln. tg. qwraytın qwrğaq süt jäne sarı may şığaru zauıtı salınuda.

Serik Twrbekov  2021 jılğa deyin agroönerkäsip keşeni eksportınıñ  kölemi 35 %-ğa, 90 mıñnan astam jeke fermerlik şaruaşılıqtardı biriktiretin 600-den astam kooperativter qwru jäne 118,8 mıñ suarmalı jerlerdi qalpına keltiru jwmıstarı jürgizilip jatqanın atap ötti.

“The Qazaq Times”