Foto: Kingdomdone.com

Qazaqstanda auır jäne asa auır qılmıstar jasağan twlğalardıñ DNQ-larınıñ derekter bazası qwrılatın boladı. Bwl turalı Astana qalası boyınşa Sot saraptamaları institutınıñ biologiyalıq jäne himiyalıq zerthana mamandarı  mälimdedi.

«Ötken jıldıñ soñında «Daktiloskopiya jäne genomdıq tirkeu turalı» Zañ qabıldandı. Atalğan zañ ayasında auır jäne asa auır qılmıs üşin sottalğan barlıq twlğalar genotiptenedi. Bwl zañ 2021 jılı öz küşine enbek. Äzirge dayındıq jwmıstarı jürip jatır. YAğni, qwqıq qorğau organdarınıñ tapsırmasımen, qılmıs ornınan tabılğan jäne belgisiz twlğalarğa tiesili barlıq genetikalıq materialdar derekter bazasına engiziledi. Bwl materialdar aldağı uaqıtta auır jäne asa auır qılmıstar üşin wstalğan küdiktilermen nemese sottalğandarmen avtomattı türde salıstırıladı», -dedi, Astana qalası boyınşa Sot saraptamaları institutınıñ mamanı İñkär Täjiğwlova.

Bwl joba qılmıstı aşu barısında uaqıttı ünemdeuge jäne tergeu jwmıstarınıñ sapalı äri dwrıs ötuine septigin  tigizedi dep kütilude.

“The Qazaq Times”