قازاقستاندا اۋىر جانە اسا اۋىر قىلمىستار جاساعان تۇلعالاردىڭ دنق-لارىنىڭ دەرەكتەر بازاسى قۇرىلاتىن بولادى. بۇل تۋرالى استانا قالاسى بويىنشا سوت ساراپتامالارى ينستيتۋتىنىڭ بيولوگيالىق جانە حيميالىق زەرتحانا ماماندارى مالىمدەدى.
«وتكەن جىلدىڭ سوڭىندا «داكتيلوسكوپيا جانە گەنومدىق تىركەۋ تۋرالى» زاڭ قابىلداندى. اتالعان زاڭ اياسىندا اۋىر جانە اسا اۋىر قىلمىس ءۇشىن سوتتالعان بارلىق تۇلعالار گەنوتيپتەنەدى. بۇل زاڭ 2021 جىلى ءوز كۇشىنە ەنبەك. ازىرگە دايىندىق جۇمىستارى ءجۇرىپ جاتىر. ياعني، قۇقىق قورعاۋ ورگاندارىنىڭ تاپسىرماسىمەن، قىلمىس ورنىنان تابىلعان جانە بەلگىسىز تۇلعالارعا تيەسىلى بارلىق گەنەتيكالىق ماتەريالدار دەرەكتەر بازاسىنا ەنگىزىلەدى. بۇل ماتەريالدار الداعى ۋاقىتتا اۋىر جانە اسا اۋىر قىلمىستار ءۇشىن ۇستالعان كۇدىكتىلەرمەن نەمەسە سوتتالعاندارمەن اۆتوماتتى تۇردە سالىستىرىلادى»، -دەدى، استانا قالاسى بويىنشا سوت ساراپتامالارى ينستيتۋتىنىڭ مامانى ىڭكار تاجىعۇلوۆا.
بۇل جوبا قىلمىستى اشۋ بارىسىندا ۋاقىتتى ۇنەمدەۋگە جانە تەرگەۋ جۇمىستارىنىڭ ساپالى ءارى دۇرىس وتۋىنە سەپتىگىن تيگىزەدى دەپ كۇتىلۋدە.
«قازاقستان اسكەرى رەسەي شەكاراسىن قورعاۋعا بارا ما؟»: قورعانىس ءمينيسترى جاۋاپ بەردى
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
ۋكراينا داعدارىسىنىڭ كۇشەيۋىنە بايلانىستى رەسەي – موڭگوليا - قىتاي مۇددەلىك قاتىناستارى
موڭعوليا استاناسىندا جاپپاي نارازىلىق شەرۋلەرى ءوتتى