Foto: zhalagash-zharshysy.kz

Qazaqstanda egis alqabınıñ jalpı audanı 22,5 mln ga-dı qwradı, bwl ötken jılmen salıstırğanda 650 mıñ gektarğa artqan. Egin egu jwmıstarın ärtaraptandıru ayasında swranısı joğarı daqıldardı egetin alqaptar 1 mln 348 mıñ gaktarğa wlğaytıldı. Bwl turalı QR auıl şaruaşılığı ministrliginiñ birinşi vice-ministri Qayrat Aytuğanov mälimdedi. 

Vice-ministrdiñ sözinşe, jasımıq egisin wlğaytu Qazaqstannıñ älemde aumaq boyınşa besinşi jäne eksport boyınşa törtinşi orındı ielenuine mümkindik beredi. Bwdan özge, biıl qant öndirisi bir jarım esege, maylı daqıldar 1,3 esege wlğaytıladı dep kütilude. Jüzege asırılıp jatqan ärtaraptandıru jwmıstarı är gektardıñ tiimdiligi men öndiristiñ tabısın arttıradı.

"Twqım şaruaşılığına qoldau körsetu qarajatınıñ kölemi ötken jılmen salıstırğanda 3,3 esege östi. Biregey jäne elitalıq twqımdar öndirisi qayta qalpına keltirildi jäne twqım şaruaşılığına qoldau körsetudiñ özge de şaraları qabıldandı. Sonday-aq, mineraldı tıñaytqıştardı subsidiyalau tetigin qayta qarau olardı qoldanu kölemin wlğaytuğa mümkindik berdi", - deydi vice-ministr.

Sonday-aq, onıñ aytuınşa, köktemgi egis jwmıstarın jürgizuge qajetti dizel'dik otınğa degen swranıs tolığımen qamtamasız etilgen. QR Ükimetiniñ jazdıq egis kezeñinde akcizderdiñ mölşerlemesin tömendetu turalı şeşimi dizel'dik otın bağasın respublika boyınşa orta eseppen litrine 123 teñgege deyin tömendetuge mümkindik berdi.

"Egisterdi himiyalıq öñdeu boyınşa qorğau şaraların jürgizu üşin elimizdiñ oñtüstik öñirlerine qosımşa pesticidter men tehnikalar jetkizildi. 591 mıñ ga jer öñdeldi. Auıl şaruaşılığı jerlerine zaqım keltirilgen joq", - dedi Qayrat Aytuğanov.

“The Qazaq Times”