Foto: energo.gov.kz

Astanada QR Energetika ministri Qanat Bozımbaev pen Saud Arabiyası Korol'diginiñ Energetika önerkäsip jäne mineraldı resurstar ministri Halid Abdulaziz Al' Falihpen arasında kezdesu ötti, dep habarlaydı ministrliktiñ baspasöz qızmeti.

Baspasöz qızmetiniñ mälimetinşe, kezdesu Qazaqstan jäne Saud Arabiyası Memleket basşıları arasındağı Er-Riyadta 2016 jıldıñ 24-25 qazanındağı qol jetkizilgen uağdalastıqtar ayasında bolğan.

"Kezdesu barısında «Birikken himiyalıq kompaniya» JŞS jäne «SABIC» kompaniyaları arasında eki jaqtı Intımaqtastıq turalı memorandumğa qol qoyıldı", - delingen baspasöz habarlamasında.

Körsetilgen qwjat Qazaqstandağı polietilen, polipropilen jäne metanol öndiru boyınşa jobalardıñ iske asırılu mümkindikterin zerdeleude negiz qalauşı bolıp tabıladı. Memorandumğa «Birikken himiyalıq kompaniya» JŞS-nıñ Basqarma törağası Jeñis Öserbay jäne «SABIC» kompaniyasınıñ Bas direktorı YUsef Al'-Ben'yan qol qoydı.

"Memorandumğa qol qoyu mwnay-gaz salasındağı ıntımaqtastıqtı nığaytudıñ jaqsı ülgisi bolıp tabıladı. «SABIC» kompaniyasınıñ täjiribesi älemdik ürdisti eskere otırıp, mwnay-himiya jobaların iske asırudıñ tiimdi modelin dayındauğa kömektesetindigine senim mol", - deydi Qazaqstan Respublikası Energetika ministri Q. Bozımbaev .

Körsetilgen jobalardı Atırau oblısındağı mwnay-himiya aymağında iske asıru josparlanuda. Osı aumaqta salıqtıq, keden jäne basqa da jeñildikter közdeytin arnayı qwqıqtıq rejim qarastırılğan.

Ayta keteyik, "SABIC" (Saudi Basic Industries Corporation) – himiya jäne metallurgiya önerkäsibinde mamandandırılğan jariya akcionerlik kompaniyası. Älemniñ iri mwnay-himiya kompaniyalarınıñ bestigine kiredi.

“The Qazaq Times”