EKSPO-2017 körmesin aralauşılar nazarına bastı nısan – jer şarın beyneleytin «Nwr Älem» sferası wsınıladı. Onıñ är deñgeyi energiyanıñ belgili bir türine arnalğan. Sferanıñ özeginde qazaqtıñ Wlttıq pavil'onı ornalasqan. Onda qazaqstandıq ğalımdardıñ eñ ozıq jobaları körsetilgen Qazaqstanmen tanısu aymağı jäne «Jasampaz energiya» aymağı bar. EKSPO körmesine memleketter men halıqaralıq wyımdardıñ 130-dan astam ekspoziciyaları äkelindi. Eki taqırıptıq pavil'onda energetikanıñ evolyuciyası, onıñ HHİ ğasırdağı problemaları jäne osı saladağı tehnologiyalıq örleu säti körsetiledi.

Nwrswltan Nazarbaev «EKSPO-2017» körmesi ayaqtalğan soñ onıñ infraqwrılımı odan äri paydalanılatını turalı ayttı.

– Bwl jerde «Astana» halıqaralıq qarjı ortalığı jwmıs isteytin boladı. «Jasıl» tehnologiyalar men investiciyalardı damıtu jönindegi halıqaralıq ortalıq qwrıladı. İT-startaptardıñ halıqaralıq tehnoparki aşıladı. Osılayşa, elimizdiñ, öñirimizdiñ jäne älemniñ igiligi üşin EKSPO-dağı «innovaciyanıñ tamır soğısı» jalğasatın boladı, – dedi Qazaqstan Prezidenti.

Körme ayasında Astana ekonomikalıq forumı, Şetel investorlarınıñ keñesi, Islam ıntımaqtastığı wyımınıñ sammiti siyaqtı birqatar iri halıqaralıq is-şaralar ötkizu josparlanğan.

“The Qazaq Times”