Qazaqstan Respublikası Mädeniet jäne sport ministrligi Oñtüstik Qazaqstan oblısı äkimdigimen birlese otırıp, TÜRKSOY Halıqaralıq wyımınıñ qoldauımen «Türkistan – Türki äleminiñ 2017 jılğı mädeni astanası» jobası men «EKSPO 2017» Halıqaralıq körmesi ayasında 2017 jıldıñ 6-9 mausımı aralığında Türkistan - Şımkent qalalarında «Orteke» V Halıqaralıq quırşaq teatrlarınıñ festivali ötude.

Bwl is-şaranı ötkizudiñ maqsatı – käsibi quırşaq önerin köpşilikke tanıtu, aymaqaralıq ıntımaqtastıq pen käsibi quırşaq öneri salasındağı halıqaralıq mädeni baylanıstı nığaytu, darındı ärtister men rejisserlerdi anıqtap, ıntalandıru, quırşaq öneri akterleriniñ käsibi jäne orındauşılıq şeberligi deñgeyin arttıru, otandıq quırşaq öneriniñ damuına jağday jasau bolıp tabıladı.

Festival' ayasında Türkistan – Şımkent qalalarınıñ twrğındarı men qonaqtarı: M. Janğaziev atındağı Qırğız memlekettik quırşaq teatrı, Abdolla Şaig atındağı Äzirbayjan memlekettik quırşaq teatrı, Türkiyadan Adana qalalıq municipaldıq teatrı men jäne «Qaraköz» teatrları, sonımen qatar Aqtöbe oblıstıq «Alaqay» quırşaq teatrı, Mañğıstau oblıstıq quırşaq teatrı, Oñtüstik Qazaqstan oblıstıq quırşaq teatrı jäne S.Qojamqwlov atındağı Jezqazğan qazaq muzıkalıq drama teatrı wjımdarınıñ orındauında qazaqstandıq jäne şeteldik avtorlardıñ tuındıların tegin tamaşalauğa boladı.

Barlıq spektakl' körsetilimderine qwramına rejisser, Astana qalası Quırşaq teatrınıñ körkemdik jetekşisi, QR eñbek siñirgen artisi Qwralay Haleketqızı Eşmwratova (Qazaqstan), UNİMA Halıqaralıq quırşaq teatrları odağınıñ Türkiyadağı müşesi, sınşı, quırşaq teatrların zertteuşi-jazuşı Mevlut Ozhan (Türkiya), Reseydiñ eñbek siñirgen artisi, Orınbor oblıstıq quırşaq teatrınıñ körkemdik jetekşisi Vadim Aleksandroviç Smirnov (Resey), Almatı qalası Memlekettik quırşaq teatrınıñ aktrisası, QR eñbek siñirgen artisi Sabila Abueva (Qazaqstan), D. Tanasoglu atındağı Gagauız wlttıq teatrınıñ direktorı Mihail Dmitrieviç Konstantinov (Moldova) sındı käsibi mamandar engen halıqaralıq qazılar alqası törelik jasaydı.

Festival' ayasında kelesi şaralar wyımdastırıluda:

- 6 mausım küni sağat 10:30-da – Qazılar alqasınıñ törayımı Qwralay Haleketqızı Eşmwratova, TÜRKSOY wyımınıñ arnayı ökili Elşin Gafarlı jäne OQO Mädeniet basqarmasınıñ basşısı Nwrbolat Qadırwlı Ahmetjanov pen Wyımdastıru komitetiniñ müşesi Almas Bolatwlı Älimjanovtıñ qatısuımen BAQ ökilderine arnalğan baspasöz mäslihatı ötti. Oğan 20 juıq BAQ ökili qatıstı. Sağat 11:00-de Festival'diñ saltanattı aşılu räsimi ötip, Serke Qojamqwlov atındağı Jezqazğan qazaq muzıkalıq-drama teatrınıñ quırşaq truppasınıñ qoyılımımen jalğastı. (Q.A. YAsaui atındağı HQTU Mädeniet ortalığı. Türkistan q., B. Sattarhanov dañğılı, 29);

- 7-9 mausım aralığı – Şımkent qalasındağı spektakl'der körsetilimi men şeberlik sınıptarı;

- 9 mausım, sağat 18:00-de – Festival'diñ saltanattı jabılu räsimi («Qiyal älemi» tehnoparki, Şımkent qalası).

Spektakl'der Q.A. YAsaui atındağı Halıqaralıq qazaq-türik universitetiniñ Mädeniet ortalığı (Türkistan q.), Oñtüstik Qazaqstan oblıstıq opera jäne balet teatrı, Oñtüstik Qazaqstan oblıstıq quırşaq teatrı, Oñtüstik Qazaqstan oblıstıq orıs drama teatrı sahnalarında körsetiledi.

“The Qazaq Times”