Qazaqstan jäne Gvineya Respublikası gidroelektroenergiyanı jäne basqa da energiya közderin birlesip damıta aladı. Bwl turalı EKSPO-2017 körmesi ayasında eldiñ Wlttıq künine arnalğan baspasöz konferenciyasında Sauda ministrliginiñ ştab basşısı Bala Dopavogi mälimdedi dep habarlaydı Strategiya-2050 saytı. 

Ministrdiñ sözinşe, Gvineyanıñ maqsatı - Qazaqstannan investorlardı tartu. "Qazaqstanda mwnay jäne gaz bar, al bizde gidroelektroenergiya salasında ülken äleuet bar. Osılayşa, gidroelektroenergiyanı jäne energiyanıñ basqa da közderin birlesip damıtuğa boladı", - dep atap ötti Bala Dopavogi..

Sonday-aq, ol eki el arasında kün energiyasın jäne jel energiyasın damıtu boyınşa wqsastıq bar ekenip atap ötti.

"Biz qosımşa jäne energetikalıq öñirlerdiñ qauipsizdigin qamtamasız ete otıra, wlttıq deñgeyde ğana emes, älemdik deñgeyde de öz ülesimizdi qosa alamız", - dedi Gvineya ökili.

Ayta keteyik, biıl Qazaqstan men Gvineya arasında diplomatiyalıq qarım-qatınastardıñ ornauına 25 jıl tolğan. 

“The Qazaq Times”