Foto: AP Photo / Evan Vucci

Bahreyn, Saud Arabiyası, Egipet jäne BAÄ Katarmen diplomatiyalıq qatınastarın üzdi.

Katarmen sayasi-diplomatiyalıq baylanısın üzu turalı şeşimdi alğaş Bahreyn korol'digi mälimdegen bolatın. Eldiñ resmi agenttiginiñ jariyalağan habarlamasına säykes Manamanıñ bwl qadamğa baruına Dohanıñ Bahreyn Korol'digindegi qauipsizdik jağdayı jäne twraqtılıqqa qauip töndirip, eldiñ işki sayasatına da ıqpal etkendigin, BAQ-tağı arandatuşılıq pen terroristik toptarğa qaldau körsetkendigi sebep bolıp otır.

Bahreyn katarlıq diplomattarğa korol'diktiñ aymağınan ketuge 8 sağat bergen bolatın.

Sonımen qatar, Manama Dohamen barlıq äue jäne teñiz qatınastarın üze otırıp, Katardıñ jäne eldiñ azamattarına Katarğa baruğa tıyım salğan.

Bahreyn osı mälimdemeni jasağanına birneşe minuttar ötkennen keyin osı sekildi şeşimderdi Er-Riyada, Kair jäne Abu-Dabi qabıldadı.

Saud Arabiyası jäne Egipet te körşi memleketpen qwrlıq, äue jäne teñiz baylanıstarın üzip otır.

Egipettiñ SİM resmi mälimdemesinde: «Egipet Respublikasınıñ ükimeti Katar biliginiñ bizge qatıstı dwşpandıq qılıq tanıtqanı üşin barlıq diplomatiyalıq qarım-qatınastı üzu turalı şeşim qabıldadı» - delingen.

BAÄ Dohanı «Mwsılman bauırlar» bastağan lañkestik, ekstremistik jäne konfessiyaaralıq toptardı qoldap, qarjılandırıp otır dep kinälauda.

Öz kezeginde Saud Arabiyası bastağan arab koaliyası Katardıñ «Äl-Kaida» men «Islam memleketi» wyımdarın zañsız qoldağanı üşin Yemendegi äskeri operaciyağa qatıspaytındığın aytıp otır.

Katar men körşileriniñ arasındağı janjal Er-Riyadadağı Parsı şığanağı elderi men AQŞ-tıñ qatısuımen ötken sammitten keyin bastalğan bolatın. Katardıñ aqparattıq agenttigi Ämirdiñ atınan Iranmen qarım-qatınastı jaqsartu turalı sözin jariyalağan. Biraq kezdesude Saud Arabiyasınıñ biligi barlıq qonaqtardıñ atınan Tegerandı «dwşpandıq sayasatı» üşin kinälap, tiisti jauap qaytarılatındığın mälimdegen.

Keyin Katardıñ sırtqı ister ministriniñ resmi ökili agenttiktiñ saytın hakerler bwzıp, Ämirdiñ sözin de solar jüktegenin habarlağan. Biraq Saud Arabiyası, BAÄ jäne Bahreyn Katardıñ bwl mälimdemisin negizsiz dep tauıp, Iranğa qatıstı aytılğandar şınımen Ämirdiñ sözi boluı mümkin ekenin jetkizgen.

BAÄ sırtqı ister ministri Anvar Gargaş Katarğa körşilerimen baylanısın qalpına keltiru üşin sayasatın özgertip, bwrınğı qatelikterin qaytalamauğa keñes berdi.

“The Qazaq Times”