Foto: fishki.net

Qazirgi tañda avtokölikter tek tasımaldauşı qwral ğana emes, qoğamda ülken bir mañızdı faktorğa aynalıp ülgergeni belgili. Onıñ quatı, jıldamdığı, sırt beynesi, bağası, nömiri – iesiniñ bedeliniñ körinisi ispettes. Kün ötken sayın avtokölikterdiñ jaña nwsqaları şığarılıp, kezinde tek fantastikalıq fil'mderde körip jürgen mümkindikteri büginde aqiqatqa aynalıp otır.

Endi osı avtokölikterge baylanıstı sizder bilmegen birneşe qızıqtı mağlwmattardı wsınamız.

Alğaş sağatına 100 şaqırımdı bağındırğan avtokölik – elektromobil'. Bir qızığı bwl rekord sonau 1899 jılı ornatılğan bolatın.

Stiv Djobs tek qana Mercedes-Benz SL 55 AMG markalı avtoköliktermen jäne ärdayım nömirsiz jürgen eken. Kaliforniyalıq zañnamağa säykes, avtoköliktiñ nömirin räsimdeuge 6 ay uaqıt ketedi, al Djobs SL 55 kölikterin satatın avtosolonmen är jartı jıl sayın eskisin qaytarıp, jañasın satıp alıp otıratın kelisimşartqa qol qoyğan. Al avtosalonğa altı ay sayın Stiv Djobs qaytarğan avtokölikter jaña bağasınan edäuir qımbat satılıp otırğan.

Köptegen elderde rölge mas küyinde otırğanı üşin jürgizuşilerdi äkimşilik jauapkerşilikke tartıp, jürgizuşi kuäliginen ayırıp ta  jatadı. Al Urugvayda mas küyinde kölik jürgizip, jol apatına sebepker bolsa,  jazanı jeñildetetin jağdaylarğa sanaladı eken.

Al eñ jıldam jük köligi - Hawaiian Eagle. Ört söndiruşiler köligi jıldamdığın sağatına 655 şaqırığa deyin arttıra aladı. Avtokölik 1941 jılı şığarılğan bolatın. Amerikalıq Şennon Seydel onı 1995 jılı qayta jöndeuge kirisedi. Üş jıldan artıq uaqıtta jöndep bolğannan  keyin, 1998 jılı jük köligi eñ joğarğı jıldamdıqtı körsetip, eñ jıldam jük köligi retinde ginnes rekordtar kitabına kirgen.

Älemdegi eñ kişkentay avtokölikter seriyası – 1962 jılı Angliyada şığarılğan Peel P50 kölikteri bolıp tabıladı. Onıñ wzındığı – 134 sm, eni – 99 sm, al biiktigi – 120 sm. Avtoköliktiñ üş döñgelegi ğana bar, kabinasına tek jürgizuşi siyadı, al jıldamdığın sağatına 64 şaqırımğa deyin arttıra aladı. Salmağı nebiri 59 kg. Avtokölikterge swranıs bolmağan soñ 1965 jılğa deyin ğana şığarılğan.

“The Qazaq Times”