Foto: kapital.kz

Qazaqstanda tölem qabilettiligi tömen jeke twlğalardıñ qarızın rettep beretin zañ jobası dayındalıp jatır. 2017 jıldıñ 2 mausımında QR QM Memlekettik kirister komiteti «Qazaqstan Respublikası azamattarınıñ tölemge qabilettiligin qalpına keltiru turalı» jäne «Qazaqstan Respublikası azamattarınıñ tölemge qabilettiligin qalpına keltiru mäseleleri boyınşa Qazaqstan Respublikasınıñ keybir zañnamalıq aktilerine özgerister men tolıqtırular engizu turalı» Qazaqstan Respublikasınıñ Zañ jobaları boyınşa baspasöz konferenciyasın ötkizdi. 

Zañ jobasın tüsindiruge kelgenderdiñ sözinşe, bwl Qazaqstan Respublikası azamattarınıñ tölemge qabiletsizdigin retteudegi özekti mäselelerdi tiimdi şeşuge mümkindik beredi.

Zañ jobası jeke twlğa – Qazaqstan Respublikasınıñ azamattarına qoldanıladı. Zañdı twlğanı qwramaytın jeke twlğa – dara käsipkerlerdiñ tölemge qabiletsizdigi mäseleleri «Oñaltu jäne bankrottıq turalı» Qazaqstan Respublikası Zañımen rettelgen.

«Qarjı minstrligi QR jeke twlğalarınıñ tölem qabilettiligin qalpına keltiru turalı zañ jobasın äzirlep jatır. Bwl zañ jobası kreditorlarmen eseptese almay, qiın jağdayğa tap bolğan jeke twlğalardı qoldauğa bağıttalğan. Olar jeke qarızı, banktik qarızı, salıq qarızı barlar jäne üşinşi bir tarapqa qarız bolıp qalğandar boluı mümkin", - deydi Memlekettik kirister komiteti janındağı bereşektermen jwmıs basqarmasınıñ basşısı Aygül Ualieva.

Onıñ sözinşe, jeke twlğalar bir uaqıtta barlıq kreditorlarmen esep jürgizuge mäjbür bolmas üşin zañ ayasında eki nwsqa wsınıladı. Onıñ biri - tölemge qabilettilikti sottıñ aralasuınsız qalpına keltiru, ekinşisi sot procedurasımen retteu.

«Sottıñ aralasuınsız bolatın procedura borışker men kreditor arasında tölem qabilettiligin qalpına keltiretin qandayda bir jospar qwrudı wsınadı. Jospar 5 jılğa qwrıluı mümkin. YAğni borışker öziniñ jağdayın eskere otırıp, tabısına baylanıstı  qarızdı qalay jabatını turalı şarttardı wsınadı. Al kreditorlar borışkerdiñ özderimen eseptesuge dayın ekenin tüsinse, qarızdıñ ösimpwlın, ayıppwl sankciyaların alıp tastau şaraların nemese sıyaqı mölşerin qarauı mümkin", - deydi spiker.

Aygül Ualievanıñ aytuınşa, eger borışker josparğa säykes, kreditormen tolıq eseptesse tölem qabilettiligin qalpına keltiru procesi sätti ayaqtaldı dep esepteledi. Al eger qarız aluışınıñ tabısı kreditormen eseptesuge jetpese jäne onı kreditorlarğa eskertse, mwnday jağdayda öziniñ mülki arqılı qarızdı jabu üşin sotqa jüginedi.

Ayta keteyik, «Qazaqstan Respublikası azamattarınıñ tölemge qabilettiligin qalpına keltiru turalı» zañ jobasın talqılau barısında Wlttıq banktegi twtınuşılardıñ qarjılıq qızmetteri qwqığın qorğau basqarması bastığınıñ orınbasarı Iman Äl-Keysi mälimetinşe, qazaqstandıqtar ekinşi deñgeyli bankterge 3,7 trln teñge qarız. Onıñ işinde tölem merzimi 90 künnen asıp ketken 464521 banktik qarız kelisimşartı bar. Olardıñ borıştıq qaldığı 442,7 mlrd teñgeni qwraydı.

 “The Qazaq Times”