Foto: https://zo4gw3d1rz.a.trbcdn.net

Aldağı uaqıtta Qazaqstanda nesie beru şarttarı özgertilmek. Bwl turalı Wlttıq bank törağası Erbolat Dosaev mälimdedi.

Ükimet otırısında Dosaev: «Qarız aluşınıñ barlıq mindettemesi, onıñ tölem qabilettigi jäne äleumettik märtebesi esepke alınatın boladı. Borıştıq jükteme koefficentiniñ şekti mölşerin esepteu kezinde otbasınıñ kämelettik jasqa tolmağan ärbir müşesine tiesili eñ tömengi künköris mölşeri şegeriletin boladı. Bankter men banktik qızmet turalı zañğa, sonday-aq mikroqarjılıq wyımdar turalı zañğa 90 künnen astam merzimi ötken qarızdarğa twraqsızdıq ayıbın, komissiyalardı jäne özge de tölemderdi esepteuge tıyım ornatu boyınşa tüzetuler engiziletin boladı. Wlttıq bank atalağan tüzetulerdi parlamenttiñ qarauına qırküyekte engizedi», – dedi.

Jıl soñına deyin twtınuşılıq nesielerdi beru kezindegi bankterliñ menşik kapitalına qoyılatın talaptar qatañdatılmaq. Sonımen qatar, azamattardıñ bereşegin ösirmeu maqsatında onlayn nesie beruşiler, nesielik seriktester men lombardtardı retteuge arnalğan normativti aktiler qabıldau josparlanğan.

"The Qazaq Times"