Foto: inform.kz

2017 jılı Qaşağan ken ornınan öndiriletin mwnay kölemin 5 mln tonnağa, al gaz öndirisin 3,1 kubmetrge jetkizu josparlanıp otır. Bwl turalı QR Energetika ministri Qanat Bozımbaev halıqqa esep beru kezdesuinde mälimdedi. 

«2016 jıldıñ qazan ayında "Qaşağan" jobası iske qosıldı. Eki aydıñ işinde 1 mln tonnağa juıq mwnay öndirildi. Nätijesinde 75,5 mln tonna öndiris josparlağan edik, 78 mln tonnanı qwradı. Endi osı jılı 5 mln tonna mwnay men 3,1 kubmetr gaz öndiru  josparlanıp otır. Sonda osı jılı 81 mln tonna şamasında boladı», — dedi Qanat Bozımbaev.

Onıñ sözinşe, qara altın öndirisin Teñiz, Qaraşığanaq, Qaşağan ken orındarı qamtamasız etetin boladı. Sonday-aq, orta jäne şağın öndiris orındarındağı öndiristi 36 mln tonnadan (2016 jıl) 33,2 mln tonnağa deyin (2020 jıl) tömendeui mümkin.

Ayta keteyik, Qazaqstan 25 mamırda Venada ötken kezdesuden soñ OPEK pen oğan müşe emes elderdiñ mwnay kölemin qısqartu merzimin wzartu turalı şeşimin qoldaytının mälimdedi.  Bwl bağanıñ qalıptı deñgeyin saqtau üşin qajet, degen edi ministrlikten.   Bwdan bwrın  habarlanğanday, 25 mamır küni kartel' Venada ötken kezdesu kezinde älemdegi şikizat öndirisiniñ deñgeyin tömendetuge kelisken.

Desek te, Qazaqstannıñ Energetika ministri Qanat Bozımbaev Qazaqstan mwnay kölemin qısqartuğa qatıstı OPEK-pen bolğan kelisim merzimin odan äri wzartuğa dayın emestigin mälimdegen bolatın.

“The Qazaq Times”