2017 جىلى قاشاعان كەن ورنىنان وندىرىلەتىن مۇناي كولەمىن 5 ملن تونناعا، ال گاز ءوندىرىسىن 3,1 كۋبمەترگە جەتكىزۋ جوسپارلانىپ وتىر. بۇل تۋرالى قر ەنەرگەتيكا ءمينيسترى قانات بوزىمباەۆ حالىققا ەسەپ بەرۋ كەزدەسۋىندە مالىمدەدى.
«2016 جىلدىڭ قازان ايىندا "قاشاعان" جوباسى ىسكە قوسىلدى. ەكى ايدىڭ ىشىندە 1 ملن تونناعا جۋىق مۇناي ءوندىرىلدى. ناتيجەسىندە 75,5 ملن توننا ءوندىرىس جوسپارلاعان ەدىك، 78 ملن توننانى قۇرادى. ەندى وسى جىلى 5 ملن توننا مۇناي مەن 3,1 كۋبمەتر گاز ءوندىرۋ جوسپارلانىپ وتىر. سوندا وسى جىلى 81 ملن توننا شاماسىندا بولادى»، — دەدى قانات بوزىمباەۆ.
ونىڭ سوزىنشە، قارا التىن ءوندىرىسىن تەڭىز، قاراشىعاناق، قاشاعان كەن ورىندارى قامتاماسىز ەتەتىن بولادى. سونداي-اق، ورتا جانە شاعىن ءوندىرىس ورىندارىنداعى ءوندىرىستى 36 ملن توننادان (2016 جىل) 33,2 ملن تونناعا دەيىن (2020 جىل) تومەندەۋى مۇمكىن.
ايتا كەتەيىك، قازاقستان 25 مامىردا ۆەنادا وتكەن كەزدەسۋدەن سوڭ وپەك پەن وعان مۇشە ەمەس ەلدەردىڭ مۇناي كولەمىن قىسقارتۋ مەرزىمىن ۇزارتۋ تۋرالى شەشىمىن قولدايتىنىن مالىمدەدى. بۇل باعانىڭ قالىپتى دەڭگەيىن ساقتاۋ ءۇشىن قاجەت، دەگەن ەدى مينيسترلىكتەن. بۇدان بۇرىن حابارلانعانداي، 25 مامىر كۇنى كارتەل ۆەنادا وتكەن كەزدەسۋ كەزىندە الەمدەگى شيكىزات ءوندىرىسىنىڭ دەڭگەيىن تومەندەتۋگە كەلىسكەن.
دەسەك تە، قازاقستاننىڭ ەنەرگەتيكا ءمينيسترى قانات بوزىمباەۆ قازاقستان مۇناي كولەمىن قىسقارتۋعا قاتىستى وپەك-پەن بولعان كەلىسىم مەرزىمىن ودان ءارى ۇزارتۋعا دايىن ەمەستىگىن مالىمدەگەن بولاتىن.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى