Bügin  «InternetCA-2017 Ortalıq Aziyadağı internet salasınıñ damuı» attı VIII ortalıqaziyalıq forumı bastaldı. Bwl jılğı  forudağı bastı taqırıp: "Şındıqqa janaspaytın şındıq däuirindegi negizgi qaterler". 

 

Qanday mäseleler talqılanadı?

  • Ğalamtordıñ şınayı ömirge tigizer äseri;
  • Äleumettik jäne özge de problemalardı äleumettik jeliler arqılı şeşu;
  • Pikir bildiru erkindiginiñ principterine nwqsan keltirmesten, «uıttı» mısaldarmen qalay küresuge boladı;
  • Manipulyaciya, fal'sifikaciya (bwrmalau), nasihat, ksenofobiya, ekeuara jaulasuğa, destruktivti kontentke qarsı twrudıñ tiimdi qwraldarı: Jelidegi qauipsizdik;
  • Halıqaralıq ekspertterdiñ  zañnamalıq jäne basqa da wsınıstarı men üzdik mısaldarı taqırıptarın qamtidı.

Kimder qatısadı?

Forumğa täuelsiz sarapşılar, memlekettik mekemeler men ükimettik emes wyım ökilderi, jurnalister, zañgerler jäne belsendi internet qoldanuşılar qatısuda.

Forum barısında qanday özekti mäselelerge taldau jasaldı?

Qazirgi tañda BAQ-qa bäsekelestik tanıtıp qana qoymay, jalğan aqparattıñ halıq arasında keñ taraluına ülken sebepker bolıp otırğan äleumettik jelilerdegi jazbalardıñ halıq arasında ülken dau tuğızıp, qoğamdıq pikir qalıptastırğan taqırıptar - forum barısında jiti talqılandı.

Qanday wsınıstar jasaldı?

QR aqparat jäne kommunikaciyalar ministrliginiñ ökilderi bwl jöninde belgili bir şekteuler qoyıp, olardıñ orındaluın zañ jüzinde qalağalaudı wsınğan bolatın. Biraq jurnalister tarapı bwl normalardı qarastıra kele, söz bostandığı men adam qwqıqtarına qayşı keletin äreketterdiñ bayqalatının basıp ayttı.

Şeteldik sarapşılar qanday taqırıptardı qozğadı?

Forumdağı tağı bir özekti mäselelerdiñ biri - terroristik toptardıñ, wyımdar men ağımdardıñ internettegi nasihat jwmıstarı boldı. Qırğızstannan kelgen sarapşılar terroristik toptarmen jwmıs jönindegi wyım mamandarımen  birigip jasağan zertteu nätijelerin jariya etken bolatın.

Qanday nätijeler bar?

Zertteu jwmısında teris ağımdarğa şaqıratın kontent köbine äleumettik jelilerde bolıp otır. Birinşi kezekte Youtube jelisi men keyin Facebook, Whatsapp sekildi äleumettik jeliler arqılı ekstremistik toptar jastardıñ sanasın ulaytın aqparattarımen bölisedi eken. Olarmen zañdı organdar barınşa küresip baqqanımen, eş nätijege jete almay otır. Kerisinşe, soñğı kezderi teris bağıttı nasihattaytın beynerolikterdiñ jergilikti wlt tilindegi nwsqaları da köp taralıp keledi.

InternetCA-2017  forumında Europa, Qazaqstan, Täjikstan, Qırğızstan, Özbekstan, Türkimenstan, Ukraina, Resey elderinen kelgen sarapşılar öz aymaqtarındağı ğalamtordıñ mümkindikteri men özekti mäseleleri jaylı oy-pikirlerin aytıp, naqtı mısaldarı men täjiribesimen bölisude.

Şaranı ädettegidey MediaNet Halıqaralıq jurnalistika ortalığı Astanadağı EQIW Bağdarlamalar ofisi jäne Konrad Adenauer atındağı Qordıñ demeuşiligimen wyımdastırılıp jatır.

“The Qazaq Times”