بۇگىن  «InternetCA-2017 ورتالىق ازياداعى ينتەرنەت سالاسىنىڭ دامۋى» اتتى VIII ورتالىقازيالىق فورۋمى باستالدى. بۇل جىلعى  فورۋداعى باستى تاقىرىپ: "شىندىققا جاناسپايتىن شىندىق داۋىرىندەگى نەگىزگى قاتەرلەر". 

 

قانداي ماسەلەلەر تالقىلانادى؟

  • عالامتوردىڭ شىنايى ومىرگە تيگىزەر اسەرى;
  • الەۋمەتتىك جانە وزگە دە پروبلەمالاردى الەۋمەتتىك جەلىلەر ارقىلى شەشۋ;
  • پىكىر ءبىلدىرۋ ەركىندىگىنىڭ پرينتسيپتەرىنە نۇقسان كەلتىرمەستەن، «ۋىتتى» مىسالدارمەن قالاي كۇرەسۋگە بولادى;
  • مانيپۋلياتسيا، فالسيفيكاتسيا (بۇرمالاۋ), ناسيحات، كسەنوفوبيا، ەكەۋارا جاۋلاسۋعا، دەسترۋكتيۆتى كونتەنتكە قارسى تۇرۋدىڭ ءتيىمدى قۇرالدارى: جەلىدەگى قاۋىپسىزدىك;
  • حالىقارالىق ەكسپەرتتەردىڭ  زاڭنامالىق جانە باسقا دا ۇسىنىستارى مەن ۇزدىك مىسالدارى تاقىرىپتارىن قامتيدى.

كىمدەر قاتىسادى؟

فورۋمعا تاۋەلسىز ساراپشىلار، مەملەكەتتىك مەكەمەلەر مەن ۇكىمەتتىك ەمەس ۇيىم وكىلدەرى، جۋرناليستەر، زاڭگەرلەر جانە بەلسەندى ينتەرنەت قولدانۋشىلار قاتىسۋدا.

فورۋم بارىسىندا قانداي وزەكتى ماسەلەلەرگە تالداۋ جاسالدى؟

قازىرگى تاڭدا باق-قا باسەكەلەستىك تانىتىپ قانا قويماي، جالعان اقپاراتتىڭ حالىق اراسىندا كەڭ تارالۋىنا ۇلكەن سەبەپكەر بولىپ وتىرعان الەۋمەتتىك جەلىلەردەگى جازبالاردىڭ حالىق اراسىندا ۇلكەن داۋ تۋعىزىپ، قوعامدىق پىكىر قالىپتاستىرعان تاقىرىپتار - فورۋم بارىسىندا ءجىتى تالقىلاندى.

قانداي ۇسىنىستار جاسالدى؟

قر اقپارات جانە كوممۋنيكاتسيالار مينيسترلىگىنىڭ وكىلدەرى بۇل جونىندە بەلگىلى ءبىر شەكتەۋلەر قويىپ، ولاردىڭ ورىندالۋىن زاڭ جۇزىندە قالاعالاۋدى ۇسىنعان بولاتىن. بىراق جۋرناليستەر تاراپى بۇل نورمالاردى قاراستىرا كەلە، ءسوز بوستاندىعى مەن ادام قۇقىقتارىنا قايشى كەلەتىن ارەكەتتەردىڭ بايقالاتىنىن باسىپ ايتتى.

شەتەلدىك ساراپشىلار قانداي تاقىرىپتاردى قوزعادى؟

فورۋمداعى تاعى ءبىر وزەكتى ماسەلەلەردىڭ ءبىرى - تەرروريستىك توپتاردىڭ، ۇيىمدار مەن اعىمداردىڭ ينتەرنەتتەگى ناسيحات جۇمىستارى بولدى. قىرعىزستاننان كەلگەن ساراپشىلار تەرروريستىك توپتارمەن جۇمىس جونىندەگى ۇيىم ماماندارىمەن  بىرىگىپ جاساعان زەرتتەۋ ناتيجەلەرىن جاريا ەتكەن بولاتىن.

قانداي ناتيجەلەر بار؟

زەرتتەۋ جۇمىسىندا تەرىس اعىمدارعا شاقىراتىن كونتەنت كوبىنە الەۋمەتتىك جەلىلەردە بولىپ وتىر. ءبىرىنشى كەزەكتە Youtube جەلىسى مەن كەيىن Facebook, Whatsapp سەكىلدى الەۋمەتتىك جەلىلەر ارقىلى ەكسترەميستىك توپتار جاستاردىڭ ساناسىن ۋلايتىن اقپاراتتارىمەن بولىسەدى ەكەن. ولارمەن زاڭدى ورگاندار بارىنشا كۇرەسىپ باققانىمەن، ەش ناتيجەگە جەتە الماي وتىر. كەرىسىنشە، سوڭعى كەزدەرى تەرىس باعىتتى ناسيحاتتايتىن بەينەروليكتەردىڭ جەرگىلىكتى ۇلت تىلىندەگى نۇسقالارى دا كوپ تارالىپ كەلەدى.

InternetCA-2017  فورۋمىندا ەۋروپا، قازاقستان، تاجىكستان، قىرعىزستان، وزبەكستان، تۇركىمەنستان، ۋكراينا، رەسەي ەلدەرىنەن كەلگەن ساراپشىلار ءوز ايماقتارىنداعى عالامتوردىڭ مۇمكىندىكتەرى مەن وزەكتى ماسەلەلەرى جايلى وي-پىكىرلەرىن ايتىپ، ناقتى مىسالدارى مەن تاجىريبەسىمەن بولىسۋدە.

شارانى ادەتتەگىدەي MediaNet حالىقارالىق جۋرناليستيكا ورتالىعى استاناداعى ەقىۇ باعدارلامالار ءوفيسى جانە كونراد ادەناۋەر اتىنداعى قوردىڭ دەمەۋشىلىگىمەن ۇيىمداستىرىلىپ جاتىر.

“The Qazaq Times”