Foto: Kapital.kz

Wlttıq bank törağası Daniyar Aqışev Äzerbayjan halıqaralıq bankine investiciyalanğan 71,3 mld teñgege qatıstı jağdaydı tüsindirdi. Onıñ sözinşe, bwl qarjını problemalı bankke Wlttıq banktiñ bwrınğı qızmetkerleri investiciyalağan.  

"2014 jıldıñ qazan ayındağı şeşim boyınşa BJZQ zeynetaqı aktivterine Äzerbayjan halıqaralıq bankiniñ wzaq merzimdi qwndı qağazdarı 250 mln dollarğa satıp alınğan. Qwndı qağazdardıñ aynalımda jüru merzimi 8,25 jıldıq payızben 10 jıldı qwraydı. Qağazdar jabıq türde arnayı ofşorlı kompaniya arqılı ornalasıtırlğan, zeynetaqı qarjısın jalğız investiciyalauşı Wlttıq bank. Obligaciyalardı satıp alu turalı şeşimdi BJZQ qızmetkerleri emes, sol kezde Wlttıq bankte jwmıs istegender qabıldağan", - dedi Aqışev.

Bas bankirdiñ sözinşe, keşe Äzerbayjan halıqaralıq banki qarızdı qayta qwrılımdau boyınşa kreditorlarğa üş nwsqanı wsınğan. Olar: ülken qarız, rettelgen qarız jäne saudanı qarjılandıru. Ülken qarızğa BJZQ qarjısı kiredi jäne onı qaytarudıñ tağı 3 nwsqası wsınılğan.

Solardıñ biri 250 mlrd dollardı Äzerbayjan Respublikasınıñ qwndı qağazdarı türinde 200 mıñ dollarğa auıstıru. Qarızdı jabu merzimi 5,125 payız mölşerlememen 12 jılğa deyin.

Ayta ketyik, osıdan bir apta bwrın qazaqstandıq ekonomister tarapınan Äzerbayjan halıqaralıq bankine zeynetaqı qorınıñ 71,3 mlrd teñgesi investiciyalanğanı turalı aqparat tarağan edi. Endi qazaqstandıqtar "salınğan qarjı qaytpay qaluı mümkin" dep qauiptenip otır.  Degenmen Äzerbayjan biligi "qarajat qaytarıladı" deydi.

“The Qazaq Times”