ۇلتتىق بانك توراعاسى دانيار اقىشەۆ ازەربايجان حالىقارالىق بانكىنە ينۆەستيتسيالانعان 71,3 ملد تەڭگەگە قاتىستى جاعدايدى ءتۇسىندىردى. ونىڭ سوزىنشە، بۇل قارجىنى پروبلەمالى بانككە ۇلتتىق بانكتىڭ بۇرىنعى قىزمەتكەرلەرى ينۆەستيتسيالاعان.
"2014 جىلدىڭ قازان ايىنداعى شەشىم بويىنشا بجزق زەينەتاقى اكتيۆتەرىنە ازەربايجان حالىقارالىق بانكىنىڭ ۇزاق مەرزىمدى قۇندى قاعازدارى 250 ملن دوللارعا ساتىپ الىنعان. قۇندى قاعازداردىڭ اينالىمدا ءجۇرۋ مەرزىمى 8,25 جىلدىق پايىزبەن 10 جىلدى قۇرايدى. قاعازدار جابىق تۇردە ارنايى وفشورلى كومپانيا ارقىلى ورنالاسىتىرلعان، زەينەتاقى قارجىسىن جالعىز ينۆەستيتسيالاۋشى ۇلتتىق بانك. وبليگاتسيالاردى ساتىپ الۋ تۋرالى شەشىمدى بجزق قىزمەتكەرلەرى ەمەس، سول كەزدە ۇلتتىق بانكتە جۇمىس ىستەگەندەر قابىلداعان", - دەدى اقىشەۆ.
باس بانكيردىڭ سوزىنشە، كەشە ازەربايجان حالىقارالىق بانكى قارىزدى قايتا قۇرىلىمداۋ بويىنشا كرەديتورلارعا ءۇش نۇسقانى ۇسىنعان. ولار: ۇلكەن قارىز، رەتتەلگەن قارىز جانە ساۋدانى قارجىلاندىرۋ. ۇلكەن قارىزعا بجزق قارجىسى كىرەدى جانە ونى قايتارۋدىڭ تاعى 3 نۇسقاسى ۇسىنىلعان.
سولاردىڭ ءبىرى 250 ملرد دوللاردى ازەربايجان رەسپۋبليكاسىنىڭ قۇندى قاعازدارى تۇرىندە 200 مىڭ دوللارعا اۋىستىرۋ. قارىزدى جابۋ مەرزىمى 5,125 پايىز مولشەرلەمەمەن 12 جىلعا دەيىن.
ايتا كەتيىك، وسىدان ءبىر اپتا بۇرىن قازاقستاندىق ەكونوميستەر تاراپىنان ازەربايجان حالىقارالىق بانكىنە زەينەتاقى قورىنىڭ 71,3 ملرد تەڭگەسى ينۆەستيتسيالانعانى تۋرالى اقپارات تاراعان ەدى. ەندى قازاقستاندىقتار "سالىنعان قارجى قايتپاي قالۋى مۇمكىن" دەپ قاۋىپتەنىپ وتىر. دەگەنمەن ازەربايجان بيلىگى "قاراجات قايتارىلادى" دەيدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى