Foto: Naryk.kz

2017 jıldıñ 1 mamırındağı jağday boyınşa Birıñğay jinaqtauşı zeynetaqı qorınıñ problemalı aktivteriniñ kölemi 40,5 mlrd teñgeni qwrağan jäne ol 21 emitentke tiesili. Bwl qordağı jalpı aktivteriniñ 1%-ın qwraydı. Biraq Äzerbayjannıñ halıqaralıq bankindegi 71,3 mlrd teñge äli bwl kategoriyağa qosılmağan, dep mälimdedi BJZQ-nıñ basqaruşı direktorı Janar Tölegenova.

«Bwl aktivter zeynetaqı portfelinde resmi tirkelgen, olardıñ balanstıq qwnı 71,3 mlrd teñgeni qwradı. Onı qaytaru, qarızdı qayta qwrılımdau mehanizmderi aktivter qayta bağalanğannan naqtılanadı", - dedi Säule Egeubaeva.

Zeynetaqı qorı ökiliniñ sözinşe, BJZQ aktivteriniñ 60%-ı AAA jäne VVV reytingindegi qarjı wyımdarına investiciyalanğan jäne onıñ saqtaluı joğarğı deñgeyde kepildendirilgen.

Desek te Säule Egeubaeva BJZQ-nıñ ıqtimal problemalı aktivterine qatıstı swraqqa "Wlttıq bank pen qor menedjmenti oğan qatıstı monitoring jürgizip jatır, biraq naqtı qanşa ekenin aytuğa äli erte" dep jauap berdi.

"The Qazaq Times"