Foto: Radiotochka.kz

"BJZQ" AQ basqarma törağası Nwrbübi Naurızbaeva Tengrinews.kz portalında ötip jatqan onlayn konferenciya kezinde zeynetaqı qorınıñ qızmetkerleri qanşa jalaqı alatının ayttı. 

Jalaqı kölemi biz oylağanda köp emes. "2014 jılı qor qızmetkerleriniñ ortaşa jalaqısı - 116 380 teñge, 2015 jılı - 163 732 teñge, 2016 jılı 166 542 teñge boldı", - dep mälimdedi zeynetaqı qorı.

Zeynetaqı qorınıñ mälimetinşe, 2013 jılı BJZQ qwrılğannan keyin qızmetkerlerdiñ salıqtı qosa alğandağı ortaşa jalaqısı turalı aqparat 2014 jıldan beri wsınılıp keledi. Sonday-aq, 2017 jıldıñ 1 qañtarında ştatta 2302 qızmetker bolğan. Al 2 mamırdan beri BJZQ-da 2012 adam jwmıs istep jatır.

Bwdan bölek zeynetaqı qorınıñ keñse orındarın qanşa jaldaytını da belgili boldı. Sonımen qor 2014 jılı Qazaqstan Respublikasında ornalasqan 23 mıñ şarşı metr aumaq üşin 592,4 mln teñge, 2015 jılı 28,1 mıñ şarşı metr aumaqqa  — 823,2 mln teñge,  2016 jılı 28,1 şarşı metrge 1 026,8 mln teñge tölengen.

"BJZQ-nıñ jekemenşik ğimaratı joq ekenin ayta ketu kerek (Astanadağı aumağı 247,8 şarşı metrdi qwraytın ğimarattı qospağanda) ayta ketu kerek. Qor jıl sayın keñse ğimarattarın jaldauğa baylanıstı konkurstar ötkizedi. Qazirgi kezde respublika boyınşa 231 qızmet körsetu ortalığı bar", - deydi Nwrbübi Naurızbaeva.

“The Qazaq Times”