Foto: state-usa.ru

AQŞ  pen Saud Arabiyası arasında arab eline  100 mlrd dollarğa qaru satu turalı kelisim jaqın arada öz küşine enui mümkin. Bwl turalı Aq üydiñ bastı derekközderine silteme jasap Reuters agenttigi habarlap otır.

RBK agenttiginiñ mälimetinşe, aldağı on jılda tasımaldanatın qarulardıñ qwnı 300 mlrd dollarğa deyin köteriledi degen boljam bar. "Kelisim ayaqtaluğa jaqın qaldı", - dep jazadı Aq üyge silteme jasağan Reuters agenttigi.

AQŞ Prezidenti Donal'd Tramp mamır ayınıñ 19-ında Saud Arabiyasına barudı josparlap otır. Bwl onıñ Prezident bolıp saylanğannan keyingi şetelge alğaşqı saparı bolmaq.

Ayta keteyik, bwğan deyin Bloomberg  agenttigi Saud Arabiyası AQŞ-qa 40 mlrd dollar köleminde investiciya qwyuğa nietti ekenin habarlağan.

Mamır ayınıñ basında Reuters Vaşington Saud Arabiyasına qaru-jaraq jetkizuge arnalğan qwnı milliardtağan dollardı qwraytın kelisimşart jwmısın jandandırıp jatqanın mälimdegen. Agenttiktiñ mälimetinşe, AQŞ arab memleketine qolbasşılıq jäne basqaru jüyelerin, M2  Bradley jauıngerlik köligin, özdiginen jüretin M109 artilleriyasın jetkizui mümkin.

Al Barak Obamanıñ kezinde Saud Arabiyasına jetkiziletin qaru kölemin qısqartu turalı şeşim şığarılğan edi. Sebebi sol kezdegi AQŞ biligi Er-Riyad äskeri operaciya ötkizip jatqan Yemende  beybit twrğındarğa ziyan kelui mümkin dep qorıqqan.

 “The Qazaq Times”