Qazaqstan ekonomikasına zertteu. Foto: Today.kz

Europalıq qayta qwru jäne damu banki (EQDB) Qazaqstannıñ ekonomikalıq ösimine qatıstı boljamın jariyaladı. Sonımen banktiñ şığarğan nätijesine sensek, 2018 jılı elimizdiñ Jalpi işki öniminiñ kölemi 3,5%-dı qwramaq. Al, osı jılğa arnalğan boljam -2,4%.  Bwl jöninde EQDB-nıñ Qazaqstandağı basşısı Agris Preymanis banktiñ Kiprde ötken otırısında mälimdedi.

EQDB jariyalağan aqparatqa süyensek, Qazaqstannıñ ekonomikası sırtqı faktorlardıñ äserinen biraz bäseñdegenmen qayta qalıpqa kele bastadı. Endi respublika sırtqı ekonomikalıq jağdaydıñ retteluine qaray öziniñ qwrılımdıq reformaların jürgizudi jalğastıra beru kerek.

Banktiñ "Aymaqtardağı ekonomikalıq perspektivalar" attı bayandamasına säykes, kelesi jıldan bastap mwnay bağasınıñ köteriliui men Resey ekonomikasınıñ qayta jandanuına baylanıstı barlıq aymaqtarda ekonomikalıq ösim deñgeyi jaqsarmaq.

Ayta keteyik,  bwdan bwrın Halıqaralıq valyuta qorınıñ Qazaqstandağı ökili Mark Horton 2017 jılı Qazaqstannıñ ekonomikalıq ösimi   2,5 payızdı qwraydı degen.

2016 jılı Qazaqtandağı JİÖ 1%-dı qwradı. Bwğan qatıstı ekonomister Ükimet mwnday körsetkişpen eşuaqıtta maqtana almaydı degen edi.

“The Qazaq Times”