قازاقستاننىڭ ەكونوميكاسىنا بولجام جاسالدى

ەۋروپالىق قايتا قۇرۋ جانە دامۋ بانكى (ەقدب) قازاقستاننىڭ ەكونوميكالىق وسىمىنە قاتىستى بولجامىن جاريالادى. سونىمەن بانكتىڭ شىعارعان ناتيجەسىنە سەنسەك، 2018 جىلى ەلىمىزدىڭ ءجالپى ىشكى ءونىمىنىڭ كولەمى 3,5%-دى قۇراماق. ال، وسى جىلعا ارنالعان بولجام -2,4%.  بۇل جونىندە ەقدب-نىڭ قازاقستانداعى باسشىسى اگريس پرەيمانيس بانكتىڭ كيپردە وتكەن وتىرىسىندا مالىمدەدى.

ەقدب جاريالاعان اقپاراتقا سۇيەنسەك، قازاقستاننىڭ ەكونوميكاسى سىرتقى فاكتورلاردىڭ اسەرىنەن ءبىراز باسەڭدەگەنمەن قايتا قالىپقا كەلە باستادى. ەندى رەسپۋبليكا سىرتقى ەكونوميكالىق جاعدايدىڭ رەتتەلۋىنە قاراي ءوزىنىڭ قۇرىلىمدىق رەفورمالارىن جۇرگىزۋدى جالعاستىرا بەرۋ كەرەك.

بانكتىڭ "ايماقتارداعى ەكونوميكالىق پەرسپەكتيۆالار" اتتى بايانداماسىنا سايكەس، كەلەسى جىلدان باستاپ مۇناي باعاسىنىڭ كوتەرىلىۋى مەن رەسەي ەكونوميكاسىنىڭ قايتا جاندانۋىنا بايلانىستى بارلىق ايماقتاردا ەكونوميكالىق ءوسىم دەڭگەيى جاقسارماق.

ايتا كەتەيىك،  بۇدان بۇرىن حالىقارالىق ۆاليۋتا قورىنىڭ قازاقستانداعى وكىلى مارك حورتون 2017 جىلى قازاقستاننىڭ ەكونوميكالىق ءوسىمى   2,5 پايىزدى قۇرايدى دەگەن.

2016 جىلى قازاقتانداعى ءجىو 1%-دى قۇرادى. بۇعان قاتىستى ەكونوميستەر ۇكىمەت مۇنداي كورسەتكىشپەن ەشۋاقىتتا ماقتانا المايدى دەگەن ەدى.

“The Qazaq Times”