Vologdalıq moyıntirek zauıtı zauıt direktorınıñ orınbasarı Viktor Popov 200 özbek azamatımen äñgimelesti. Foto: centralasian.org

Reseydegi Vologdalıq moyıntirek zauıtı men "Renessans" qwrılıs komaniyası 14 mıñ özbekstandıqqa jwmıs wsındı. Bwl turalı "Ortalıq Aziya habar qızmeti" jazdı. 

Özbekstan Eñbek ministrliginiñ Sırtqı eñbek migraciyası jönindegi agenttigi baspasöz qızmetiniñ jetekşisi Karim Bahrievtiñ aytuınşa, Vologdalıq moyıntirek zauıtı Özbekstannıñ 2 mıñğa juıq mamanı men jwmısşısın jaldaytın boldı. 3 mamırda atalğan zauıt direktorınıñ orınbasarı Viktor Popov 200 özbek azamatımen äñgimelesti.

Bwğan qosa, 12 mıñ özbek jwmısşısın reseylik "Renessans" qwrılıs kompaniyası şaqırıp otır.

Karim Bahrievtiñ aytuınşa, ötken jılı Özbekstan Eñbek ministrliginiñ ökilderi Reseydiñ birqatar aymaqtarın aralap, birneşe eñbek kelisimine qol qoyıp qaytqan.

4-5 säuirde özbek prezidenti Şavkat Mirziyaevtiñ Reseyge memlekettik saparı kezinde 55 qwjat qabıldandı, solardıñ biri özbek azamattarın Reseyde uaqıtşa eñbek etudi wyımdastıruğa arnalğan.

 “The Qazaq Times”